Latest news

31 mar 15:19
News

“Оқ-тепа” – “НБУ-Осиё” учрашувидан кейинги фикрлар

Ўзбекистон Кубогининг 1-босқичида “НБУ-Осиё”ни мағлубиятга учратиб, кейинги босқичга йўл олган “Оқ-тепа” энди “Машъал” билан ҳисоб-китоб қилади.
Кечаги учрашувдан сўнг “Оқ-тепа” мураббийи Анатолий Курлаев ва ҳужумчи Маъруф Аҳмаджонов ўз фикрлари билан ўртоқлашди.

Анатолий Курлаев: - Мазкур беллашув мавсумдаги илк ўйин бўлганлиги сезилиб қолди. Футболчилар бироз ҳаяжонланишди. Қолаверса, чизиқларда бироз тушунмовчиликлар сезилди. Лекин ўйиндан-ўйинга бу камчиликлар бартараф этилади. “НБУ-Осиё” жиддий рақиб эканлиги бугун яққол кўринди. Аммо шунга қарамасдан биз ғалаба нашидасини сурдик. Бундан албатта хурсандмиз. Кейинги учрашувларда ҳам шундай ютуқларни қўлга киритиб, мухлисларимизни хурсанд қиламиз, деган умиддаман.

Маъруф Аҳмаджонов: - Учрашув қийин кечди. Биласиз, ўтган йилгига қараганда таркибимизда сезиларли равишда ўзгарган. Жамоага нисбатан тажрибали ўйинчилар келиб қўшилган. Бу машғулотларда ҳам яққол сезилмоқда. Бир-биримизни тўлиқ тушуниб олишимиз учун бироз вақт керак. Насиб қилса, ҳаммаси изига тушиб кетади ва биз ўз олдимизга қўйган мақсадимизга эришамиз.
Rating:    

Comments

< show latest news
������.�������

Press "Like"
to read CA at facebook