UZ

Сўнгги янгиликлар

12:46"Манчестер Юнайтед" Каземирога ўринбосар топди  0 12:20Эшитдик-да! ФИФА "Бунёдкор"га илк санкцияни қўллади  6 11:48Клоппнинг ассистенти "Аякс" бош мураббийига айланиши мумкин  0 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  13 10:57Пеп Гвардиола «Манчестер Сити»даги келажаги борасида бир қарорга келди  4 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  7 09:3410 ойга четлатилган Тонали яна узоқ муддатга дисквалификация қилиниши мумкин  2 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  12 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  3 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  3

“Олмалиқ”дан мавсумолди тадбир (фотогалерея) Янгиликлар

“Олмалиқ”дан мавсумолди тадбир (фотогалерея)

Бугун “Ўзбекистон” меҳмонхонасининг анжуманлар залида “Олмалиқ” жамоасининг мавсумолди тайёргарлигига бағишланган учрашув бўлиб ўтди.
Тадбирда “Олмалиқ” жамоаси бошлиғи Ботир Мирзаев ҳамда бош мураббий Игорь Шквирин журналистлар томонидан берилган саволларга жавоб қайтарди.

Ботир Мирзаев: - Мавсумга тайёргарлик жараёнидан қўнглимиз тўлди. Бу йил жамоамиз ўз олдига юқори мақсадларни қўймоқда. Насиб қилса, ўз ўйинимиз билан олмалиқлик мухлисларни хурсанд қиламиз.

-   Янги стадион ҳақида маълумот бериб ўтсангиз?
-   Олий лиганинг илк учрашувини Олмалиқдаги янги стадионда ўтказамиз. Барчангизни шу ўйинга таклиф қилиб қоламан. Майдон яхши ҳолатда. Майдон чимининг 70 фоизи табиий, 30 фоизи сунъий.

Игорь Шквирин: - “Олмалиқ” бу йил ўз тарихида биринчи марта хорижда йиғин ўтказди. Биз у ерда собиқ иттифоқдан ажралиб чиққан давлатлар клубларига қарши майдонга тушдик. Умуман олганда, йиғин ва жамоам кўрсатган ўйиндан кўнглим тўлди.

-   Туркия йиғини ҳақида нима дея оласиз?
-   У ерда яхши йиғин ташкил қилиш барча шароит мавжуд. Энг аввало табиий майдонлар бор. Бизда мавсумолди ўртоқлик учрашувлари кўпинча сунъий майдонда ўтказилади. У ерда эса табиий майдонларда тўп сурдик ва бу нарса футболчиларга ҳам маъқул келди. Қолаверса, спарринг рақиблар ҳам бирмунча кучлироқ бўлди.

-   Бу йилги вазифалар қандай?
-   Кучли бешликка киришни мақсад қилганмиз. Лекин биз учун энг муҳими муайян ўйин услубига эга бўлиш.

Савол жамоа бошлиғи Ботир Мирзаевга: - “Олмалиқ” бу йил “Joma”либосларидан фойдаланади. Нега айнан шу фирма танланди?
-   Чунки “Joma” бизга ҳар томонлама маъқул келди. Биз анча сифатли формаларни сотиб олдик. Футболчиларга ҳам ёқди.

-   Мавсумнинг очилиш ўйинига журналистлар учун Тошкентдан Олмалиққа транспорт ҳал қилиб беришнинг иложи борми?
-   Бу масалани ўйлаб кўрамиз. Менимча, буни уддалай оламиз.

-   Клуб қошида фаолият олиб бораётган футбол мактабининг бугунги ҳолати ҳақида нима дея оласиз?

-   Футбол мактабимизнинг бугунги фаолияти бизни сира қониқтирмаяпти. Албатта, биз ҳам таркибда кўпроқ ўз тарбияланувчиларимиз бўлишини хоҳлаймиз. Бунинг учун аввало мактаб яхши ишлаши керак.

Савол жамоа бош мураббийи Игорь Шквиринга: - “Олмалиқ”нинг бу йилги селекция сиёсати ҳақида гапириб берсангиз?
-   Икки нафар легионерни қўшиб олдик. Сербиялик Александр Алемпиевич билан тунислик Шакер Зуаги. Менга уларнинг ҳар иккиси ҳам маъқул келди. Қолаверса, маҳаллий ўйинчилардан Иқбол Акрамов, Шерзод Ҳакимов, Шавкат Муллажонов сингари футболчилар келиб қўшилди. Ўйлайманки, мавжуд таркиб билан ўз олдимизга қўйган мақсадга эриша оламиз.

Х.Холиқов ёзиб олди.
Рейтинг:    

Фикрлар

championat.asia
Яндекс.Метрика