04 sep 11:10
News

ОФК Президенти Иордания ва Ўзбекистонга омад тилади

Осиё Футбол Конфедерацияси президенти шайх Салмон бин Иброҳим ал-Халифа ЖЧ-2014 саралаш плей-офф баҳсида тўқнаш келадиган Иордания ва Ўзбекистон миллий терма жамоаларига омад тилади.
«Иордания ва Ўзбекистон Жаҳон чемпионатига тўғридан-тўғри йўлланмани қўлга киритиш учун сўнгги тургача ўз имкониятларини сақлаб туришди, аммо бунинг уддасидан чиқа олмадилар. Афсуски, улар гуруҳда 3-ўрин билан кифояланишди. Саралаш босқичида ҳар икки терма жамоа футболчилари катта иштиёқ билан тўп суришди. Ишончим комилки, 6 ва 10 сентябрь кунлари иккала терма жамоа ҳам ўзларининг энг яхши ўйинларини намойиш қилиб бера олишади», - дейди шайх Салмон.

«Мен ҳар иккала терма жамоага ҳам ўзимнинг энг яхши тилакларимни билдираман. Ушбу жуфтликда ғолиб чиққан жамоа КОНМЕБОЛ қитъаси жамоасига қарши қитъалараро плей-офф баҳсларида рақибини мағлуб этиб, Жаҳон чемпионати йўлланмасини қўлга кирита олади деб умид қиламан. Мен ҳалол ўйин ва рақибга ҳурмат қоидаси муҳим эканини таъкидлаган ҳолда, жамоаларга омад тилайман», - дейди ОФК президенти.
Rating:    

Comments

< show latest news
������.�������

Press "Like"
to read CA at facebook