05 dec 15:58
News

ЎФФ президенти Аббосбек Махсталиевни табриклади

Ўзбекистон Футбол Федерацияси президенти Мираброр Усмонов «Пахтакор» футбол клуби аъзоси Аббосбек Махсталиевни давлатимизнинг юксак мукофоти – «Ўзбекистон ифтихори» фахрий унвони билан тақдирлангани муносабати билан табриклади.
Ўзбекистон Президенти Ислом Каримовнинг 3 декабрдаги «Юқори натижаларга эришган бир гуруҳ иқтидорли ёшларни мукофотлаш тўғрисида»га Фармонига асосан, Тошкентнинг «Пахтакор» футбол клуби аъзоси ва Ўзбекистон миллий терма жамоасига номзод футболчи Аббосбек Махсталиев «Ўзбекистон ифтихори» фахрий унвони билан тақдирланди.

«Аббосбек Махсталиевни Давлатимиз Раҳбари томонидан тақдим этилган ушбу юксак унвон билан ўз номимдан, Ўзбекистон Футбол Федерацияси ва бутун Ўзбекистон футбол жамоатчилиги номидан қутлар эканман, ёш футболчи ушбу мукофотни кейинги муваффақиятли ўйинлар учун бир рағбат, ўз устида янада қаттиқроқ ишлаш учун омил, янги ғалабалар учун иштиёқ сифатида қабул қилишини истардим», - дейилади ЎФФ президенти табригида.

Фармон қайд этилганидек, Аббосбек Махсталиев Ўзбекистоннинг халқаро майдондаги обрў-эътибори ва нуфузини оширишга қўшган салмоқли ҳиссаси, профессионал маҳорати ва ёрқин истеъдоди билан спорт соҳасида юқори натижаларга эришгани учун юксак фахрий унвон билан тақдирланди.

«Ишонаманки, Аббосбек Махсталиев ўзига билдирилган юксак ишончни оқлаб, Ўзбекистон футболи тарихидаги энг яхши футболчилардан бири бўлиб қолиш учун тинмай ҳаракат қилади», - дейилади ЎФФ президенти табригида.
Rating:    

Comments

< show latest news
������.�������

Press "Like"
to read CA at facebook