Одил Исабоев мураббийликка ўтди
21 дек 2013 08:37
Янгиликлар

Одил Исабоев мураббийликка ўтди

Хабарингиз бор, 15 декабрдан “Металлург” жамоаси аъзолари янги мавсумга тайёргарлик кўриш мақсадида Чирчиқ шаҳрида йиғинни бошлади.

Дастлабки ўқув-машғулот йиғинида ўтган мавсумда жамоа шарафини ҳимоя этишган футболчиларнинг барчаси жам бўлишди.

Таркибда баъзи жузъий ўзгаришлар бор. Жумладан, ҳимоячи Одил Исабоев футболчилик фаолиятини якунлади. Клуб раҳбариятининг таклифига биноан у эндиликда ёшлар таркибини шуғуллантирувчи мураббийлар сафида меҳнат қилиши кутиляпти. Шунингдек, Умид Тожимов ҳамда Жасур Бобоев йиғин ўтказаётган таркибда йўқ. Уларнинг бошқа жамоага ўтаётганлиги маълум бўлди. Ўз навбатида асосий таркиб йиғинида ёшлар жамоамизда фаолият юритаётган 4-5 нафар футболчи иштирок этишяпти. Улардан кимлар асосий таркибга лойиқ эканлиги кейинги йиғинларда маълум бўлади.

Бу ҳафта йиғинда қатнашаётган футболчиларнинг барчаси тиббий кўрикдан ўтишди. Уларнинг жисмоний ва руҳий ҳолати қониқарли ҳолатда. Кейинги ҳафтадан машғулотлар босими ошириб борилади ва жамоа ҳар куни икки маҳалдан машғулот ўтказишга киришади.

Ҳавола :

Манба : metallurg-pfc.uz

Янгиликларни Телеграмда ўқинг!

Рейтинг: