ОЧЛ. Ярим финал. Галенои жавоб ўйинидан умид қилмоқда

Шунга қарамай, форслар бош мураббийи Амир Галенои жавоб баҳсида шогирдлари бутунлай бошқача ўйин намойиш этишларини билдириб ўтди.

“Мен ҳар иккала жамоани чиройли футбол намойиш этгани билан табрикламоқчиман, - дея ўз фикрини билдирди Амир Галенои. – Бу гапим айниқса, “Сеул”га тегишли. Биз мағлубиятдан хафа эмасмиз, чунки жавоб учрашувида ўз кучимизни кўрсата оламиз. Гол ўтказиб юборганимизни ҳисобга олмаганда, бутун ўйинни юқори савияда ўтказдик. Танаффус пайтида футболчиларга иккинчи голни ўтказиб юбормасликни ҳар қанча тайинламай, барибир тўп ўтказиб юбордик”.

“Ўйиндан олдин айтиб ўтганимдек, мақсадимиз сафарда ҳеч бўлмаса битта гол уриш эди. Лекин шунча меҳнат қилган билан бу ишни амалга ошира олмадик. Ўйлайманки, Теҳронда рақиб дарвозасига иккита тўп кирита оламиз. Жавоб баҳсида икки асосий етакчимиз – Жавод Некунам билан Андраник Теймурян майдонга туша олишмайди. Шунга қарамай, бор имкониятни ишга солмоқчимиз”.

Х.Холиқов тайёрлади.