06 aug 18:09
News

Нурлибоев ва Гусейнов "НБУ-Осиё"да

Биринчи лиганинг доимий иштирокчиларидан бири "НБУ-Осиё" иккинчи босқич ўйинларига пухта тайёргарлик кўрмоқда.
Мухтор Қурбонов бошчилигидаги мураббийлар штаби айни пайтда бир қатор янги футболчиларни синовдан ўтказмоқда. Шунингдек "банкирлар" кун-ора ўртоқлик ўйинларини ҳам ташкил этишмоқда.

Олинган маълумотларга кўра, жамоа йиғинига энг сўнггилардан бўлиб, Фаррух Нурлибоев ва Жавлон Гусейнов қўшилишган. Ўқувчиларимизга яхши маълумки, биринчи даврани "Олмалиқ"да ўтказган Нурилибоев бундан олдин "Қизилқум" машғулотларида ҳам иштирок этганди.

Гусейнов эса "Нефтчи"ни тарк этганидан сўнг, маълум муддат "Шўртан" йиғинида бўлиб қайтди. Ҳозирча бу футболчиларнинг "НБУ-Осиё"да қолиши аниқ эмас. Бу футболчилардан ташқари яна иккинчи лига жамоаларидан келган бир қатор футболчилар ҳам машғулотларда иштирок этишмоқда. Жамоа расмийларининг сайтимизга маълум қилишича, эртага Тошкентда "Хоразм" билан синов-назорат баҳси ўтказилади. Айнан ушбу ўйиндан сўнг, янги футболчиларнинг тақдирига ойдинлик киритилади.

Исломбек Рустамбеков.
Rating:    

Comments

< show latest news
������.�������

Press "Like"
to read CA at facebook