26 aug 11:10
News

Нуралиев ва Шукуров БААга учиб кетишди

Ўзбекистон U-17 ўсмирлар терма жамоаси бош мураббийи Дилшод Нуралиев ҳамда ўсмирлар терма жамоа сардори Отабек Шукуровлар ўсмирлар ўртасидаги жаҳон чемпионатига қуръа ташлаш маросимида иштирок этиш учуш, 25 август куни БААнинг Абу Даби шаҳрига учиб кетишди.
26 август, душанба куни Абу Даби шаҳрида шу йилнинг 17 октябрь - 8 ноябрь кунлари БАА мамлакатида бўлиб ўтадиган U-17 ўсмирлар ўртасидаги жаҳон чемпионати финал босқичига қуръа ташлаш маросими бўлиб ўтади. Қуръа ташлаш маросимида, жаҳон чемпионати финал босқичига йўлланмани қўлга киритган барча жамоаларнинг вакиллари иштирок этиши кўзда тутилган. Қуръа ташлаш маросими 26 август куни Тошкент вақти билан 18:00да бошланади.

Эслатиб ўтамиз, Ўзбекистон U-17 ўсмирлар терма жамоаси жаҳон чемпионатига тайёргарликни давом эттирмоқда. Нуралиев шогирдлари 16-23 август кунлари Тошкентда йиғин ўтказишди ва Эрон ўсмирлар терма жамоасига қарши учта ўртоқлик ўйинида майдонга тушди. Ўзбекистон U-17 ўсмирлар терма жамоаси ўзининг навбатдаги йиғинини 2-9 сентябрь кунлари Австрияда ўтказади.
Rating:    

Comments

< show latest news
������.�������

Press "Like"
to read CA at facebook