UZ

Сўнгги янгиликлар

14:43Ўзбекистон кубоги. 1/16 финал. Бугунги ўйинлар бошланмоқда  5 14:42Футзал. Ўзбекистон кубоги ярим финал ўйинларидан фотогалерея  2 14:31Почеттино «Барселона» президенти Бартомеу билан учрашди  15 14:16Olamsport: Фазлиддин учун кучли рақиб, Чусовитинани тақдирлаш маросимидан суратлар ва бошқа хабарлар  14 14:01Диего Коста: "Лопетегининг ишончи мен учун муҳим"  15 13:44Арсен Венгер: «Суарес 2013 йил «Арсенал»га ўтиши мумкин эди»  18 13:15Колашинац "Манчестер Сити"га керак  26 12:51ЕЧЛ. Чорак финалдаги энг қиммат жамоа - "Реал Мадрид"  28 12:31Марко Верратти: "Ювентус" "Барселона"ни мағлуб эта олади"  21 12:14Сарвар Каримов: “Ғалаба қозониш учун майдонга тушамиз”  23 12:00Чичарито Мексика терма жамоасида энг кўп гол урган футболчига етиб олди  12 11:32ЖЧ-2018 саралаши. КОНКАКАФ. АҚШнинг "жаҳли" чиқди  22 11:24Крис Смоллинг Англия терма жамоаси машғулотида жароҳат олди  9 11:11Ҳафтанинг спортга оид энг ажойиб суратлари  25 10:59"Интер" Костас Маноласнинг маошини икки баробар оширишга тайёр  19

17 июл 15:39
Янгиликлар

Нуралиев: Ўзбекистон янги маррани забт эта олади

Ўсмирлар ўртасида БАА да бўлиб ўтадиган Жаҳон чемпионати ҳам яқинлашмоқда. ФИФА расмий сайти Ўзбекистон ўсмирлар терма жамоаси бош мураббийи Дилшод Нуралиевдан интервью олди. Қуйида FIFA.com сайтида берилган мақола билан танишишингиз мумкин.

Кўпчилик Осиё жамоалари учун ФИФА мусобақаларида гуруҳ босқичидан ўтиш катта натижа ҳисобланади, чорак финални эса айтмаса ҳам бўлади. Аммо ўзбекистонлик ёшлар икки бор чорак финалга чиқиб, жаҳон миқиёсида кураша олишларини исботлашди. 


Икки йил аввал тезкор Ўзбекистон жамоаси Мексикада ФИФАнинг 17 ёшгача футболчилар ўртасида ўтказилган Жаҳон чемпионатини шашт билан забт этди. Дебютант жамоа кучли саккизликка кира олди ва финалда ўйнаган Уругвайга 2:0 ҳисобида мағлуб бўлиб мусобақани тарк этди. Яқинда эса Марказий Осиёликлар ФИФАнинг 20 ёшгача футболчилар ўртасида ўтказилган  Жаҳон чемпионатида маҳорат кўрсатишди ва Янги Зеландия, Греция каби жамоаларни ортда қолдириб чорак финалда ўйнашди. Бутунжаҳон мусобақада иккинчи бор қатнашиш имкониятини қўлга киритган Ўзбекистон ўсмирлар терма жамоаси бош мураббийи янги марраларни забт этишга эътиборини жам қилган.

“Бизнинг аввалги жамоамиз Мексика 2011 да анча яхши иштирок этди”, - деди Нуралиев FIFA.com сайтига. “Ва биз ўша мувафақиятни яхшилашга харакат қиламиз. Ёшлар терма жамоамизнинг Туркия 2013 даги ажойиб ўйинлари нафақат бизга, балки барча ёшдаги терма жамоаларимизга илҳом бахш этди. Биз ўзимизга ишонамиз ва мақсадимизга эришишга қодирмиз”.

Рўҳий куч
Нуралиевнинг ишончи, унинг шогирдлари сентябр ойида Осиё чемпионатидаги тарихий мувафақиятга эришганини ҳисобга олса асоссиз эмаслиги аён бўлади. Хитой билан дуранг ўйнаб қийинчилик билан гуруҳдан чиқишига қарамасдан, улар чорак финалда Жанубий кореяни мағлуб этишди ва Жаҳон чемпионатига йўлланмани қўлга киритишди. Финалда улар Японияни мағлуб этиб ўзлари учун биринчи қитъа чемпионлигига эришишди.

Мусобақа давомида улар, гуруҳда Хиндистонни ва ярим финалда Эронни кичик фарқ билан, иккала Кореяни шунингдек Японияни пенальтилар сериясида мағлуб этиб жуда қатъиятли ва матонатли жамоа сифатида таассурот қолдиришди.

"Бизда руҳшунос мураббий бор, у жамоа руҳиятига маъсул”, - тушунтирди Нуралиев. “Бошқа мураббийлар, машғулотлар давомида футболчилар онгига жанговор руҳиятни сингдиришга ёрдам беришади. Ва биз болалардан ўзига ишонч билан ўйнашни талаб қиламиз”.

"Футболчилар Осиё чемпионатида катта босимга дуч келишди. Биз гуруҳ босқичида рақибларимизга қарши кўплаб имкониятларни кўкка совурдик ва футболчилар ўзларини энг зўр ўйинларини намойиш эта олишмади. Аммо Жаҳон чемпионати йўлланмасини нақд қилганимиздан сўнг мен болаларга хотиржам бўлишни айтдим, ва улар буни бажаришди. Умид қиламанки, шогирдларим Жаҳон чемпионатида ҳам шундай ўйнашда давом этишади. Улар мамлакатимизнинг энг истеъдодли футболчилари, ва буни улар исботлашмоқчи".

Асосий футболчилар
Бутун ўзбек жамоаси ажойиб ўйнаган бўлишига қарамасдан дарвозабон Сарвар Каримов ўз ўрнида қаҳрамонлик кўрсатиб бор эътиборни ўзига қаратди. Дастлабки икки учрашувда захирада ўтирган Тошкентнинг Локомотив клуби дарвозабони Сурияга қарши ўйинда майдонга тушди, ва турнир охиригача асосий дарвозабон бўлиб қолди. Катта эҳтимол билан у Жанубий Корея ва Японияга қарши ҳаяжонли пенальтилар сериясида ҳал қилувчи ролни ижро этди.  “У саралашда яхши харакат қилди ва энди у бизнинг биринчи рақамли дарвозабонимиз”, - деди бош мураббий.

Худди Каримов сингари ҳужумчи Акобир Тўраев ҳам мусобақада заҳирадан майдонга тушди ва Жанубий Корея ҳамда Японияга қарши жуда муҳим ўйинларда ҳисобни тенглаштирувчи голларни киритди.

"Биз Осиё чемпионатини бошлаганимизда Тўраев асосий ўйинчимиз эмасди. Аммо мен унинг машғулотлардаги харакатларидан нимага қодирлигини билардим. Биз уни плей-оф босқичига асраб қўйгандик ва у ўзининг гол уриш қобилиятини кўрсатди. Агар шу ўйнини сақлаб қолса у албатта асосий таркибга киради".

Жаҳон чемпионатига тайёргарлик давом этмоқда. Июль ва Август ойларида Нуралиев шогирдлари маҳаллий биринчи лига вакиллари ҳамда бошқа бир Жаҳон чемпиони йўлланмасини қўлга киритган Эрон ўсмирлар терма жамоаси билан ўртоқлик ўйинларини ўтказишади.

Жаҳон чемпионати ҳақидаги ўйлар фикрини тарк этмаётганига қарамай, бош мураббий шунингдек узоқ муддатли мақсадларни ҳам эсда тутиб турибди. “Барчамиз бор кучимизни бериб ажойиб натижа – Жаҳон чемпионати финалига чиқишни хоҳлаяпмиз,” – деди у. “Аммо бизнинг асосий, узоқ муддатли мақсадимиз – бу ушбу футболчиларни келгусида миллий терма жамоамизга тайёрлаш. Улар бизнинг келажагимиз вакиллари”.

Қобилжон Бабаев таржимаси

Рейтинг:    

Фикрлар

< сўнгги янгиликларни кўриш

Энг яхшилар

Сурияга ютқаздик
ЖЧ-2018 саралаши доирасидаги Сурия - Ўзбекистон учрашуви бўлиб ўтди.  1215
Самвел Бабаян: "Охиригача курашамиз, ҳали имконият бор"
Ўзбекистон миллий терма жамоаси бош мураббийи Самвел Бабаян Сурияга...  528
Гуруҳдаги вазият билан танишинг
ЖЧ-2018 саралаши доирасидаги Сурия - Ўзбекистон учрашуви якунланди.  259
Виталий Денисов: "Гуруҳдаги вазиятимизни оғирлаштириб олдик, аммо ҳали имкониятимиз бор"
Ўзбекистон терма жамоаси ҳимоячиси Виталий Денисов Сурияга қарши...  198
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: