UZ

Сўнгги янгиликлар

18:45Футболчининг энг яхши дўсти: Жаҳоннинг энг нуфузли агентликлари1 18:14Де Бур АПЛда ишламоқчи1 18:13Фозил Мусаев: “Японияда ўзбек футболчиларининг маҳоратини кўрсатишга ҳаракат қиламан”7 17:43Азар: "Челси"нинг баъзи рақиблари хатто майдонга чиқмасдан мағлуб бўлишади"10 17:12Футболчилар ижтимоий тармоқларда7 17:06Спортчилар ижтимоий тармоқларда5 16:56“Валенсия” – “Реал Мадрид” 2:1. Микст-зона11 16:41ЧЛ 1/8 финал илк учрашуви иштирокчилари умумий ҳисобда 34 та гол уриб, рекорд ўрнатишди4 16:10ЕЧЛ. Player of the week сўровномаси бошланди13 15:49ЕЧЛ. 1/8 финал учрашувларида урилган энг яхши голга овоз беринг28 15:40Насимов янги клубида Виллиам, Рауль ва Лука билан бирга ўйнайди14 15:18"Реал" раҳбариятига Исконинг ўз келажаги ҳақида айтган сўзлари ёқмади5 15:09"Бунёдкор" ОЧЛда 4та ўйиндан буён гол ура олмаяпти13 14:59Olamsport: Емельяненконинг рейтингдаги ўрни, қиличбозларимиз Тайландга етиб боришди ва бошқа хабарлар1 14:46Рой Кин: "Руни юқори даражада ўйнаши мумкин, Хитойга йўл олиш - ақлсизлик"6

26 янв 12:30
Янгиликлар

Низом Норов: “Бу йил “Андижон”га қўлимдан келганича ёрдам бермоқчиман”

Сурхондарё вилояти Термиз шаҳрида 1989 йили таваллуд топган Низом Норовни кўпчилик унинг “Шўртан”даги фаолияти орқали яхши билади.
Лекин бугунги суҳбатдошимиз бунга қадар ҳам айрим жамоаларда ўйнаган. Ҳозирда “Андижон” ўқув-йиғин машғулотларида иштирок этаётган Норовнинг ўқувчиларимизга яқиндан қисқача таништириб ўтадиган бўлсак, Низом катта футболга 17 ёшида кириб келган. Унинг дастлабки жамоаси биринчи лига иштирокчиси “Сурхон” бўлган. Иқтидорли ҳужумчи кейинчалик Саросиёнинг собиқ “Тўпаланг” клуби сафида ҳам олий лига баҳсларида майдонга тушган. Унинг тўпурарлик салоҳияти юқори эканлигини пайқаган “Шўртан” мураббийлари Норовни Ғузорга таклиф этган. Термизлик футболчи 4 йиллик фаолияти давомида “Шўртан”да ўзини кўрсата олди. Айниқса у ёшлар лигасида рақиб дарвозаларини тез-тез ишғол этиб, мухлислар эътиборини тортганди. 2012 йили оёғи синиб, гипс қилинган футболчи олти ойни майдон ташқарисида ўтказиб юборишга мажбур бўлган. Шу йилнинг иккинчи ярмидан эса биринчи лига иштирокчиси “Хива”да тўп тепди. 2013 йили Роберт Гайнинг таклифига биноан Наманган вилояти Чуст тумани жамоаси “Чуст-Пахтакор”га келган Норов ортда қолган мавсумда яна тўпурарлик маҳорати билан ўзини мухлисларга эслатиб қўйди. Футболчи биринчи лига баҳсларида 10дан ортиқ голларга муаллифлик қилди. Бу билан у ўз жамоасининг тўпурарига айланди. Норов бундай кўрсаткич билан “Андижон” мураббийларини ҳам эътиборини тортди.

- Низомжон, аввало “Андижон” йиғинига келиб қўшилишингиз қандай юз берганини айтиб ўтсангиз?
- Клубга мени бош мураббий Азамат Абдураимов чорлади. Мақсадим бу йил олий лигада ўйнаш эканлиги боис ҳам айнан “бургутлар” йиғинига кўрикдан ўтиш учун келганман.

- Андижонликларнинг иккинчи йиғинда тўлиқ иштирок этдингиз. Дастлабки таассуротлар қандай?
- Бу борада ҳаммаси яхши. Мени жамоадагилар илиқ кутиб олди. Ички муҳит ҳам зўр. Йигитларнинг кўпи билан олдиндан танишлигимиз учун, улар менга янги муҳитга мослашиб олишимга ёрдам бермоқда. Машғулотлар ҳақида айтадиган бўлсам, юқори суръатда ўтказилди. Мураббийлар штаби жуда яхши ишламоқда дейиш мумкин. Айниқса Азамат Биродаровичнинг ўзи машғулотларда эринмасдан футболчиларнинг хатоларини айтиб, уни тузатиш устида иш олиб бормоқда. Рости бундай мураббий билан олдин ишламаганим сабабли мен учун йиғин ажойиб ўтди дея оламан.

- Жамоадаги келгуси тақдирингизга ойдинлик киритиб олдингизми?
- Бу йил “Андижон”да ўйнашим деярли 90 фоизга аниқ. Бу борада Азамат ака билан гаплашиб олдик. “Навбаҳор” билан ўтказилган ўйиндан сўнг, футболчиларга қисқа муддатлик дам берилди. Уйга қайтаётганимда, мураббийлар менга керакли ҳужжатларни тайёрлаб, 24 январь куни Тошкентда бошланадиган навбатдаги йиғинга келишимни айтди. Насиб қилса пойтахтдаги мазкур йиғинда ҳам ўзимни ҳар томонлама ижобий томондан кўрсатишга харакат қиламан.   

- Азамат Абдураимов илгари ҳужумчи бўлган. Сиз ҳам олдинги чизиқ вакилисиз. Демоқчиманки, бош мураббий машғулот жараёнида сиз билан алоҳида ишлаган пайти ҳам бўлдими?

- Ҳа, Абдураимов ҳужумчиларга қайси пайтда қандай ўйнаш кераклигини уқтиради. Менга ҳам бу борада камчиликларимни айтиб, шу устида кўпроқ ишлашим зарурлигини таъкидлайди. Мураббийнинг айнан шу жиҳати менга ёқди.

- Сиз каби ўткан йили иккинчи босқичда 10та гол урган Лочин Солиев ҳақида нима дейсиз?
- Лочин ака тажрибали ҳужумчи. Илгари бошқа клубларда ҳам ўйнаган. Солиевнинг одамгарчилиги ҳам жуда яхши экан. Яқиндан танишиб олдик. Бундай ҳужумчи билан ёнма-ён ўйнаш осонроқ бўлади.  

- “Навбаҳор”га қарши кечган баҳсдан келиб чиқиб айтингчи, жамоа ўйин услубига тўлиқ киришиб кета олдингизми?
- Бунга ҳали бироз вақт керак. Аста-секин мослашиш жараёнини тугатяпман. Ўйлайманки, чемпионат бошлангунга қадар тўлиқ мослашиб оламан.

- Бир неча йиллик танаффусдан сўнг яна олий лигада ўйнашга яқин турибсиз. Элитада яна ўйнаб кета олишингизга ишонасизми?
- Олдиндан бир нарса деб бўлмайди. Лекин мен ўзимга ишонаман. Агарда имконият берилса, ундан унумли фойдаланиб қолишга интиламан. Қисқача айтганда, “Андижон”га бу йил қўлимдан келганича ёрдам бермоқчиман.

Исломбек РУСТАМБЕКОВ суҳбатлашди.
Рейтинг:    

Фикрлар

< сўнгги янгиликларни кўриш

Энг яхшилар

"Бунёдкор" ҳам Саудия Арабистонидан қуруқ қайтди
ОЧЛ 1-туридан ўрин олган "Ал Аҳли" - "Бунёдкор"... 403
ОЧЛ-2017. "Локомотив" мусобақани мағлубият билан бошлади
ОЧЛ-2017 дастлабки туридан ўрин олган "Ал Таавон" -... 400
Танлов. Бугунги ўйинда "Локомотив" таркибини топинг ва ОЧЛ ўйинига чипта ютиб олинг
Бугун Осиё Чемпионлар лигасида гуруҳ баҳсларига старт берилади. 127
"Валенсия" – "Реал Мадрид". Бошланғич таркиблар маълум
Испания чемпионатининг қолдирилган ўйинларидан бири... 80
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: