"NBU-Осиё"нинг кейинги тақдири қандай кечади?

Ўқувчиларимизга яхши маълумки, жамоа бош мураббийи Мухтор Қурбонов яқинда "Шўртан"да иш бошлади. Шунингдек мураббийлар штабида унга ёрдам берган Бахтиёр Қамбаралиев, Арслон Толипов, Руслан Шоймардонов ҳам жамоа билан хайрлашгани тўғрисида маълумотлар бор.

Бу ҳаммаси эмас. Сабаби "NBU-Осиё"ни асосий таркиб футболчилари ҳам ўзларини бошқа клубларда синаб кўриш мақсадида юришибди. Бу борада улар харакатни бошлаб юборишган.

Узоқ йиллардан буён чемпионатда мунтазам равишда иштирок этиб келаётган ва биринчи лиганинг доимий иштирокчисига айланиб улгурган "NBU-Осиё"нинг кейинги тақдири мавҳум бўлиб турибди.

Асосий эътиборни биринчи лигадаги ўрнини сақлаб қолишга қаратадиган клубни келгусида ким бошқаришини вақт кўрсатади.