18 oct 22:01
News

“Навбаҳор” – “Қизилқум” учрашувидан сўнг мураббийлар фикрлари

Учрашув якунига етгач ҳар икки жамоа бош мураббийларининг фикрлари билан қизиқдик.
Дастлаб “Қизилқум” жамоаси бош мураббийи Юрий Лукин фикрларини билдириб ўтди: “Тенг курашларга бой ўйин бўлди. Учрашув охирларида “Навбаҳор” жамоасига охирги дақиқаларда омад кулиб боқди ва ғалабани қўлга киритди. Ўз навбатида футболчиларимиз ҳам яратилган имкониятлардан фойдалана олишмади. Жамоага янги мураббийни келганлиги ҳам наманганликларнинг фойдасига хизмат қилди деб ўйлайман. Шу сабабдан ҳам футболчилар сўнгги сонияларгача курашиб, мақсадларига етишди. Жамоамизда молиявий томондан ҳеч қандай муаммо йўқ. ОАВларда шундай маълумот тарқатилган бўлсада, бундай демаганман. Бари нотўғри маълумот ва бўхтондан ўзга нарса эмас. Энди чемпионатнинг қолган турларида ишончлироқ ўйин кўрсатиб, лигадаги ўрнимизни сақлаб қолишга ҳаракат қиламиз”. 


 

“Навбаҳор” жамоаси бош мураббийи Мустафо Байрамов учрашув хусусида қуйидаги фикрларни билдириб ўтди: “Бир неча учрашувлардан бери ғалаба қозона олмаётганлигимиз сабабли, бугун олдимизга уч очкони қўлга киритишни мақсад қилгандик. Қолаверса, жамоамизга мураббий сифатида Нўъмон Ҳасановни келиши ҳам футболчиларимизни руҳлантирди. Гувоҳи бўлганингиздек, таркибда бир қатор йўқотишлар бор эди.. Шу сабабли таркибда қатор ўзгаришларни амалга оширишга мажбур бўлдик. Учрашув давомида қийин бўлсада, йигитлар охиригача курашиб ғалабани қўлга киритишди. Қолаверса, футболчилари икки тарафламали назорат ўйинида жароҳат олган Ғайрат Жўраевни тезроқ соғайиб сафга қайтиши учун ҳаракат қилишларини билдиришганди. Ушбу ғалабани жамоамизнинг фидоий ишқибозлари ва айнан Жўраевга бағишладик. Намойиш этилган ўйин учун футболчиларимизга миннатдорчилик билдираман”.
Rating:    

Comments

< show latest news
������.�������

Press "Like"
to read CA at facebook