29 aug 19:31
News

"Навбаҳор": Футболчиларимиз таътилга чиқишди

Бугун "Навбаҳор" жамоаси аъзолари чемпионатда юзага келган танаффус туфайли қисқа муддатлик таътилга чиқишди.
Машғулотлар сўнггида мураббийлар йиғинда иштирок этаётган футболчилардан иккита таркиб ҳосил қилиб назорат ўйинини ташкил этишди. Уйчидаги ўйингоҳда ўтказилган учрашувда асосий таркиб аъзолари - Павел Леус, Жаҳонгир Меҳмонов, Тимур Яфаров, Қаҳрамон Маҳаммаджонов, Леонид Кошелев, Акрам Баҳриддинов каби футболчилар турли сабабларга кўра майдонга тушишмади. Хусусан Павел Леус бир кун олдин ватанига жўнаб кетган бўлса Қаҳрамон Маҳаммаджоновга мураббийлар уйланганлиги боис дам беришни лозим топишди. Учрашув эса “сариқ” либосда ҳаракат қилган футболчиларнинг 3:1 ҳисобидаги ғалабаси билан якунланди.

Голларга Собир Ҳамидов (2 та), Рўзимбой Аҳмедовлар муаллифлик қилишди. Ягона жавоб тўпи эса Александр Лупашко ҳисобига ёзилди. Жамоамиз аъзолари клуб қароргоҳида 3 сентябр йиғилиб, “Бухоро”га қарши учрашувга тайёргарлик кўришни бошлашади. Павел Леус эса 4 сентябр куни ўз юртидан қайтиб келади.
Rating:    

Comments

< show latest news
������.�������

Press "Like"
to read CA at facebook