23 aug 12:24
News

"Насаф" тўртинчи бор, "Бунёдкор" олтинчи бор финалда ўйнайди

Кеча Ўзбекистон кубогининг бу йилги финалчилари номи маълум бўлди.
Қаршининг "Насаф" клуби ўз уйида "Пахтакор"ни мағлуб этиб финалга чиққан бўлса, бир кун олдин "Бунёдкор" "Локомотив" майдонида зафар қучиб ҳал қилувчи баҳсга йўлланма олганди.

"Насаф" бу билан кетма-кет учинчи бор, умумий эса тўртинчи бор Ўзбекистон кубоги финалига йўл олди. Бунга қадар "аждарлар" 2003, 2011 ва 2012 йилларда финалда ўйнашган. Бироқ учала ўйинда ҳам рақиблар "Насаф"ни мағлуб этишган.

2006 йил ташкил топган "Бунёдкор" эса ўз тарихида олтинчи марта мамлакат кубоги финалида ўйнайди. Таъкидлаш лозимки, ўтган йилги финалда "қалдирғочлар" айнан "Насаф"ни йирик ҳисобда мағлуб этишганди. Шу кунга қадар бўлиб ўтган бешта финалнинг учтасида "Бунёдкор" ғолиб бўлган ва Ўзбекистон кубоги соҳиби бўлган.

Бу сафар кубок қайси жамоага насиб этишини эса 25 сентябрь куни билиб оламиз.

Нарзулла Сайдуллаев
Rating:    

Comments

< show latest news
������.�������

Press "Like"
to read CA at facebook