25 dec 12:00
News

"Насаф" 15 январь куни "Шахтёр" билан ўйнаши тасдиқланди

8 январь куни Тошкентда "Локо" ва "Насаф" ўртоқлик учрашуви ўтказиши режалаштирилганди.
Куни кеча ташланган қуръа натижасига кўра, Ўзбекистон чемпионатининг кумуш ҳамда бронза медал совриндорлари 2-турдаёқ ўзаро тўқнаш келишлари маълум бўлди. Шу боис, мураббийлар 8 январга мўлжалланган учрашувдан воз кечишлари ҳам мумкин. 10 январь куни "Насаф" делегацияси илк хориж йиғинини ўтказиш мақсадида Туркияга жўнаб кетади. 15 январда Қарағанданинг "Шахтёр"и билан ўйин бўлади. Клуб бош мураббийи Рўзиқул Бердиев мухбиримиз Камолиддин Алимов билан суҳбатда бу маълумотни таслиқлади.

"Олдинда биз катта синов кутиб турибди. ОЧЛ плей-офф босқич ўйинида иштирок этишимиз керак. Тайёргарликни ҳам шунга монанд тарзда олиб боришга ҳаракат қиляпмиз. Таркибда деярли ўзгаришлар бўлмади. Энг муҳими, ўтган йилги таркибни сақлаб қолдик. Барча етакчи футболчиларимиз билан шартномаларни узайтирдик. Бир-икки нафар янги ўйинчилар қўшилиши мумкин. Легионерлардан кўра, маҳаллий футболчиларга эътибор қаратамиз. Кўз остимизга олиб қўйган ўйнчиларимиз бор. Туркиядаги йиғинда уларни кўрикдан ўтказамиз. 15 январь куни Қарағанданинг "Шахтёр" клуби билан назорат ўйини ўтказамиз. Устозимиз Виктор Кумиков билан яна бир бор учрашиш имконияти юзага келяпти", - дейди Ўзбекистоннинг 2013 йилдаги энг яхши мураббийи.  
Rating:    

Comments

< show latest news
������.�������

Press "Like"
to read CA at facebook