Мустафо Байрамов: "Футболчиларимиз марказдаги устунликни рақибга бериб қўйишди"
25 авг 2013 19:31
Янгиликлар

Мустафо Байрамов: "Футболчиларимиз марказдаги устунликни рақибга бериб қўйишди"

"Навбаҳор" - "Динамо" (1:1) ўйиниидан кейин ҳар икки жамоа бош мураббийлари ўз фикрлари билан ўртоқлашишди. Унда дастлаб мезбонлар бош мураббийи Байрамов ОАВ вакилларининг саволларига жавоб берди.

- Ғузордаги ғалабадан кейин футболчиларимизнинг кайфияти яхши эди – дея гап бошлади, Мустафо Жеферович. Айнан шу сабабдан барчанинг ҳаёлида навбатдаги уч очкони олиш эди.
Учрашувни яхши бошлагандик. Бунинг самараси ўлароқ дебютда ҳисобни очишга ҳам эришгандик. Голдан кейин Аюбхон Гаппаровнинг ўзида ҳисобни ошириш учун яхшигина имкониятлар бўлганди.
1:0 ҳисобидан кейин футболчиларимизда қандайдир хотиржамлик кўзга ташланди. Танаффусдан кейин эса нимагадир футболчиларимиз марказдаги устунликни рақибга бериб қўйишди. Дарвозамизга киритилган гол ҳам тушунарсиз ҳолатда рўй берди.

Футболда шунақаси ҳам бўлиб турар эканда. Нима ҳам қила олардик. Уйда яна икки очкони бой бердик. Хатоларимиз устида иш олиб борамиз.

Ҳавола :

Манба : www.pfcnavbahor.uz

Янгиликларни Телеграмда ўқинг!

Рейтинг: