04 dec 17:40
News

Миржалол Қосимов: "Ҳеч кимни мажбурлаб жамоада олиб қолмоқчи эмасмиз"

"Бунёдкор" клуби бош мураббийи Миржалол Қосимов клубнинг тақдирлаш маросимидан сўнг мухбиримизга ўз фикрларини билдирди.
Миржалол ҚОСИМОВ: - Жорий мавсум «Бунёдкор» учун омадли келди. Жамоамиз бир йўла учта мусобақада ғолиб чиқиб, олтин «хет-трик»ка эришди. Лекин бу муваффақиятлар осонликча қўлга киритилмади. Чемпионлик учун кураш сўнгги тургача давом этди. Асосий таркиб ҳам, Ёшлар лигасидаги ўринбосарларимиз ҳам 26-турда чемпионлик масаласини ижобий ҳал қилишди. Ҳар галгисидан бу сафар жуда қийин бўлди. Бизни бутун мавсум давомида изма-из таъқиб этиб келган «Локомотив» ва «Насаф» жамоалари сўнгги тургача олтин медаллар учун курашишди. Тақдиримиз ўз қўлимизда эканлиги бизга қўл келди. Эртадан янги мавсум ҳақида ўйлашни бошлаймиз. Янги йилдан умидларимиз катта. Таркибда сезиларли ўзгаришлар бўлиши кутиляпти. Баъзи етакчи футболчиларимиз келаси мавсум бошқа жамоаларда ўйнашади. Футбол қонунияти ўзи шундай. Бундан асло хафа эмасмиз. Ҳеч кимни мажбурлаб жамоада олиб қолмоқчи эмасмиз. Селекция ишлари давом этяпти. Рўйхатимизда таклиф этилиши керак бўлган футболчилар бор. Ҳозир бор эътиборни таркибни янада кучайтиришга қаратамиз. Қувонарлиси, бугун мавсум тўпурари Пишур билан шартнома муддатини узайтиришга муваффақ бўлдик. Сашанинг ўзи ҳам мамнуният билан янги келишувга имзо чекди.
Rating:    

Comments

< show latest news
������.�������

Press "Like"
to read CA at facebook