17 sep 11:40
News

"Машъал" саккизта ўйинда 22та гол урди

Ўз олдига олий лигага қайтиш вазифасини қўйган “Машъал”нинг муваффақиятли одими давом этмоқда.
Кеча муборакликлар “Қўқон-1912” жамоасига қарши майдонга тушиб, 3:0 ҳисобида ғалаба қозонишди. Умуман олганда, биринчи лиганинг иккинчи босқичидан ўрин олган дастлабки саккиз беллашувда “газчилар” жами 22та тўп киритиб, ўз дарвозаларидан 6та гол ўтказиб юборишди.

Биринчи даврадан ўрин олган саккиз беллашувнинг бештасида муборакликлар йирик ҳисобдаги ғалабани қўлга киритишди. Хусусан “Пахтакор-2” билан “НБУ-Осиё” бир хил 4:0, “Истиқлол” ва “Қўқон-1912” 3:0 ҳамда “Косонсой” 4:1 ҳисобида мағлуб этилди.

“Машъал” саккизта ўйиндан фақат иккитасида имкониятни бой берди ва ҳар иккала бой берилган баҳс ҳам сафарда бўлиб ўтди. Яъни, Александр Хомяков шогирдлари “Оқтепа” ҳамда “Чуст-Пахтакор” билан кечган беллашувларда 1:2 ҳисобида ютқазиб қўйишди. Ўз майдонида тўртта ўйин ўтказган жамоамиз атиги битта гол ўтказиб юборди. У ҳам бўлса “Андижон”га қарши учрашувда рўй берди.
Rating:    

Comments

< show latest news
������.�������

Press "Like"
to read CA at facebook