UZ

Сўнгги янгиликлар

29 ноя 14:59
Янгиликлар

Марат Мифтахуддинов: “Абрамов билан яна бирга ишлайманми ёки йўқми буни вақт кўрсатади”

Маълумки, таниқли мураббий Вадим Абрамовнинг “Астана” клубини қабул қилиб олгани ўзбек футболи жамоатчилигида ўзига хос шов-шув уйғотди.
Миллий терма жамоамизнинг собиқ устози маълум муддатлик танаффусдан сўнг яна мураббийликка қайтди.

Вадим Карленович қозоқ клубига ўтганидан кейин, унинг янги жамоасида вакилларимиз ҳам бўлиши таҳмин қилинмоқда. Абрамовга қаерда бўлмасин, мураббийлар штабида яқиндан ёрдам бериб келган Марат Мифтахуддиновнинг ҳам ҳатто мухлислар “Астана”га “ўтказиб” бўлишди.

Бунга ойдинлик киритиш мақсадида Марат Валентинович билан боғландик.

- Яқин дўстингиз бўлмиш, Вадим Абрамов куни-кеча “Астана” клубини қабул қилиб олди...

- Ҳа, чиндан ҳам Карленович кеча Қозоғистонга жўнаб кетганди ва у ерда “Астана” клуби раҳбарлари билан учрашиб жамоани қабул қилиб олди.

- Абрамовнинг ушбу жамоага ўтиши, унинг кетидан бир қатор ҳамюртларимизнинг ҳам йўл олишига замин яратгандек. Мухлислар орасида шахсан сизнинг ҳам Абрамовга ёрдамчи мураббий бўлиб ўтаётганингиз тўғрисида гаплар юрибди. Буни қандай изохлайсиз?

- Ҳозирча бу борада аниқ бир гап айтишим қийин. Эхтимол ҳақиқатдан ҳам Қозоғистонда ишларман. Ҳаммаси Вадим Карленовичнинг Тошкентга қайтиб келганидан сўнг ойдинлашади. Одатда янги мураббий бирор бир клубни қабул қилиб олганида, ўзи билан бирга ёрдамчиларини ҳам олиб боради. Лекин айни пайтда “Астана”да вазият қандай эканлигини билмайман. Буни аввало бош мураббий ҳал қилади.

- Абрамов қўшни юртда ҳам ҳамкорликни давом эттириш таклифи билан чиқса, рад этмасангиз керак?

- Бу мураббий билан узоқ йиллар давомида бирга ишладик. Қарашларимиз ҳам мос. Агар шундай имконият туғилса балки “Астана”га кетарман... Чунки бу жамоа келаси йил европа лигасида иштирок этади. Бундан имконият кейинчалик яна бўладими йўқми, билмайман. Юқорида айтганимдек, ҳаммаси яқин кунларда ойдинлашади.

- Лекин “Машъал” клуби раҳбарлари ҳам сизни осонликча қўйиб юборишни истамаслиги аниқ?

- (Кулиб) Ҳа, тўғриси Абрамовнинг “Астана”га ўтганидан хабар топган клубимиз аъзолари дархол қўнғироқ қилиб, хазиломуз тарзда, “биздан кетмайсизми, ишқилиб” қабилида саволлар билан мурожаат қилишди. “Машъал”да жорий йил ёрдамчи мураббий сифатида ишладим. Келаси мавсум учун ҳам бош мураббий билан маслаҳатлашган холда, режалар ишлаб чиққанмиз.

Исломбек Рустамбеков суҳбатлашди
Рейтинг:    

Фикрлар

< сўнгги янгиликларни кўриш

Энг яхшилар

Сурияга ютқаздик
ЖЧ-2018 саралаши доирасидаги Сурия - Ўзбекистон учрашуви бўлиб ўтди.  1199
Самвел Бабаян: "Охиригача курашамиз, ҳали имконият бор"
Ўзбекистон миллий терма жамоаси бош мураббийи Самвел Бабаян Сурияга...  474
Гуруҳдаги вазият билан танишинг
ЖЧ-2018 саралаши доирасидаги Сурия - Ўзбекистон учрашуви якунланди.  254
Сурия - Ўзбекистон. Таркиблар маълум бўлди
Сурия ва Ўзбекистон учрашувида жамоаларнинг таркиби маълум бўлди.   232
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: