UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  4 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  4 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  26 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

“Локомотив”га берилган иккинчи зарба ёхуд Абрамов олдида иккита вазифа қолди Янгиликлар

“Локомотив”га берилган иккинчи зарба ёхуд Абрамов олдида иккита вазифа қолди

Тошкентнинг “Локомотив” клуби бу йил ҳисобидан энди иккита расмий баҳс ўтказди.
Жамоа жорий мавсумдаги биринчи ўйинини 8 февраль куни ОЧЛ плей-офф босқичи доирасида “Қувайт СК”га қарши ўтказиб, 1:3 ҳисобида мағлуб бўлганди. Иккинчи расмий учрашувни “темирйўлчилар” кеча Ўзбекистон Суперкубогида “Бунёдкор”га қарши ўтказишди ва бунда ҳам мағлубиятга учрашди. Фақат ҳисоб 1:2 кўринишини олди.

Қизиғи, ҳар иккала беллашувда “Локомотив” мезмон сифатида ҳаракат қилди: ҳам “Пахтакор”да, ҳам “Жар”да – гарчи ҳеч бири “Локо”нинг уй стадиони ҳисобланмаса-да. Бу ҳам майли, жамоа учун ҳар икки учрашув ҳам якун бўлганини айтмайсизми. Клуб ОЧЛда ютқазди ва мусобақани тарк этди, Суперкубокда имкониятни бой берди ва кубоксиз қолди. Албатта, бу “Локо” учун оғир зарба бўлгани аниқ. Умуман олганда, “Локомотив”нинг бир қанча “юлдузлар”ни йиғиб олган бўлишига қарамай, ЖАМОА сифатида шаклланишига, ЖАМОА сифатида ўйин кўрсатишига ҳали бор экан. Клуб янги бош мураббийи Вадим Абрамовнинг тайинли ўйин услубини йўлга қўйиб олиши учун анча меҳнат қилишига тўғри келади.

Кечаги ўйинда “Бунёдкор” ортиқча қийналмасдан ғалаба қозонди. “Қалдирғочлар” Осиё миқёсида кўплаб катта ўйинларни кўришди ва улар учун Суперкубокда иштирок этиш янги қадаам бўлмади. “Локомотив”да эса ҳаяжон сезилиб турди. Миржалол Қосимов гарчи ўйиндан олдинги матбуот анжуманида камтарона гапирган бўлса-да, ориятли эмасми ғалаба қозониш учун бор кучни ишга солди. Ўз навбатида Абрамов ҳам ютишни истади, лекин тан олиш керак, шу куни “Бунёдкор” рақибдан кучли кўринди.

Хуллас, ўтган бир ой ичида “Локомотив” иккинчи зарбани қабул қилиб олди. Айтиб ўтганимиздек, биринчисида клуб ОЧЛ билан хайрлашди, иккинчисида Сурперкубоксиз қолди. (“Шум бола” киносида айтади-ку, биринчи зарбда тиззасигача, иккинчи зарбда белигача...) Мана энди клуб ва Абрамов олдида яна иккита вазифа қолди: олий лига чемпиони бўлиш ва Ўзбекистон Кубогини қўлга киритиш. Менимча, Абрамовни иккинчи ўрин ҳам қониқтирмайди. Шундай катта клуб билан биринчи бўлишга ҳаракат қилиши табиий ҳол. Фақат бу икки вазифани бажаришни “Локомотив” уддалай олармикин. Бу эса кузда маълум бўлади.

Хайрулла Холиқов.
Рейтинг:    

Фикрлар

championat.asia
Яндекс.Метрика