Latest news

16:41"Манчестер Сити" - "Челси". Жамоалар асосий таркибларни эълон қилишди2 16:26Бугун катта футбол. "Барселона" - "Реал"11 16:15"Гранада" - "Севилья". Асосий таркиблар маълум1 15:52"Реал"га қарши баҳс учун "Барселона" қайдномаси эълон қилинди14 15:5018 игроков, включая Иньесту, в заявке «Барселоны» на матч с «Реалом»0 15:31ЦСКА - "Урал". Асосий таркиблар эълон қилинди0 15:27EPL Manager: игроки, которые пропустят 14-й тур0 15:20Диёр Имомхўжаевдан: Мантиқсиз ўйин27 15:15“Локомотив”дан мавсум сарҳисоби: “Темирйўлчилар”га олий лигада 2 мартагина қизил карточка кўрсатилди2 14:56Бельерин: "Венгер туфайли "Арсенал" билан янги шартнома туздим"1 14:45"Арсенал"га Димитри Пайе керак2 14:45"Арсенал" претендует на Димитри Пайе0 14:45Моуриньо офшорлар орқали 12 млн. евро фойда қилган3 14:45AFP: Моуринью вывел через офшоры 12 млн евро, чтобы не платить налоги0 14:35«Атлетико» «Лион» вакили Геззалга қизиқиб қолди0

17 oct 11:53
News

Кичик мундиал тарихи

Бугун БААда ўсмирлар ўртасидаги жаҳон чемпионатига старт берилади. Бу ёш тоифасида терма жамоамиз мундиалда иккинчи марта иштирок этади.
ФИФА томонидан 1985 йилда ташкил этилган мусобақа тарихи, турли статистик маълумотларни ушбу мақолада келтириб ўтамиз.

Аслида ушбу мусобақа дастлаб 16 ёшгача бўлган ўсмирлар ўртасида ташкил қилинганди. 1991 йилдан эса турнир регламентига ўзгартириш киритилиб, у 17 ёшгача бўлганлар турнирига айлантирилди. Ўсмирлар мундиали ҳар икки йилда бир марта ўтказиб келинади. Ҳозиргача Бразилия ва Нигерия терма жамоалари уч мартадан зафар қучган ҳолда энг муваффақиятли иштирок этаётган жамоалар бўлиб туришибди. Гана ва Мексикада эса иккита шундай ютуқ мавжуд.

1985 йилдан 2005 йилга қадар мусобақада иштирокчилар сони 16тани ташкил қилган. 2007 йилдан бошлаб эса қатнашчилар 24тага етказилган. Бундан кўриниб турибдики, мусобақага бўлган қизиқиш ва унинг оммавийлиги ортиб боряпти. Биринчи турнирга ФИФА Европа қитъаси иштирокчилари ва Боливияни меҳмон сифатида таклиф қилганди. Ҳозир эса барча конфедерацияларда саралаш баҳслари ўтказилади. Тўғри, бунда алоҳида саралаш босқичи йўқ ва қитъа чемпионати етакчилари жаҳон чемпионати йўлланмасини қўлга киритишади. Лекин шу ҳолатнинг ўзи ҳам қитъа чемпионатларига бўлган эътиборни икки карра ошириб юборган.

Илк мусобақа Хитойда ўтказилиб, унда Нигерия терма жамоаси ғалаба қозонган. Умуман олганда, Африка қитъаси вакиллари ёшлар ўртасидаги барча турнирларда ажойиб иштирок этишади, лекин асосий чемпионатда бирор марта ярим финалга чиқишмаган. 1987 йилда эса СССР термаси ғалаба қозонган. 2011 йилги турнирга мезбонлик қилган Мексика терма жамоаси 2005 йил Перуда бўлиб ўтган мундиалда финалда Бразилиядан 3:0 ҳисобида устун келиб, илк бор чемпион деган номни қўлга киритган. Улар бу муваффақиятни 2011 ўз уйларида ҳам такрорлашди. 2009 йил Нигерияда ўтказилган чемпионатда Швейцария ўсмирлари барчани ҳайрон қолдирган ҳолда ҳал қилувчи беллашувда мезбонларни 1:0 ҳисобида доғда қолдирганди.

Йил

Мезбон

Финал

3-ўрин учун ўйин

1985

Хитой

Нигерия 2:0 Германия 

Бразилия 4:1 Гана

1987

Канада

СССР 1:1 (4:2) Нигерия

Котд Ивуар 2:1 Италия

1989

Шотландия

Саудия Арабистони 2:2 (5:4) Шотландия

Португалия 3:0 Баҳрайн

1991   

Италия 

Гана 1:0 Испания 

Аргентина 1:1 (4:1) Қатар

1993   

Япония

Нигерия 2:1 Гана 

Чили 1:1 (4:2) Польша

1995 

Эквадор

Гана 3:2 Бразилия 

Аргентина 2:0 Уммон

1997   

Миср

Бразилия 2:1 Гана

Испания 2:1 Германия

1999 

Янги Зеландия

Бразилия 0:0 (8:7) Австралия 

Гана 2:0 АҚШ

2001 

Тринидад ва Тобаго 

Франция 3:0 Нигерия

Буркина-Фасо 2:0 Аргентина

2003   

Финляндия 

Бразилия 1:0 Испания

Аргентина 1:1 (5:4) Колумбия

2005   

Перу

Мексика 3:0 Бразилия

Голландия 2:1 Туркия

2007 

Жанубий Корея 

Нигерия 0:0 (3:0) Испания 

Германия 2:1 Гана

2009   

Нигерия

Швейцария 1:0 Нигерия 

Испания 1:0 Колумбия

2011 

Мексика

Мексика 2:0 Уругвай

Германия 4:3 Бразилия

Қитъалар бўйича африкаликлар энг кўп ғолибликка эришишган – 5 бор. Шунингдек, яна 5 марта финалда тўп тепишган. 1993 йилги мундиалда финалда Нигерия ва Гана терма жамоалари тўқнаш келишган. Бу ҳозиргача ўсмирлар чемпионати финалларида бир конфедерация термалари майдонга тушган ягона финал ҳисобланади. Европа ва Жанубий Америкада учтадан кубок бор. Испания эса уч бор финалга чиқиб, уларнинг барчасида мағлубиятга учраган. Осиёдан Саудия Арабистони ушбу мусобақада ғолиб чиқишга муваффақ бўлган.

Мусобақа лауреатлари орасида бир қатор машҳур номларни учратиш мумкин. Лекин улар 19 ёшгача бўлган чемпионатда қатнашган машҳурлардек кўп эмас. Чунки 17 ёшда футболчи ҳали профессионал фаолиятдан анча узоқда бўлади. Даниель Олсопп, Лэндон Донован, Флорин Синама Поньол, Сеск Фабрегас, Андерсон, Карлос Вела ва Тони Кроос сингари футболчилар айнан ўсмирлар мундиалида тўп тепишган. Донован, Фабрегас, Андерсон ва Кроос жаҳон миқёсидаги юлдузларга айлана олишди.

Йил

“Олтин тўп”

Тўпурар/ голлари сони

«Фейр плей»

1985   

Уильям (Бразилия) 

Марсел Витечек (Германия) 8

Германия

1987    

Филип Осунду (Нигерия)

Мусса Траоре (Котд Ивуар) 5

СССР

1989    

Жеймс Уилл (Шотландия)

Фоде Камара (Гвинея) 3

Баҳрайн

1991    

Нии Лампети (Гана)

Адриано (Бразилия) 4

Аргентина

1993   

Даниель Аддо (Гана)

Вилсон Орума (Нигерия) 6

Нигерия

1995   

Муҳаммад Катири (Уммон)

Даниель Олсопп (Австралия) 5 

Бразилия

1997    

Серхио Сантамария (Испания)

Давид (Испания) 7

Аргентина

1999    

Лэндон Донован (АҚШ)

Исмоил Аддо (Гана) 7

Мексика

2001    

Флорин Синама Поньол (Франция)

Флорин Синама Поньол (Франция) 9

Нигерия

2003    

Сеск Фабрегас (Испания)

Цеск Фабрегас (Испания) 5

Коста-Рика

2005   

Андерсон (Бразилия)

Карлос Вела (Мексика) 5

КХДР

2007    

Тони Кроос (Германия)

Макулей Хрисантус (Нигерия) 7

Коста-Рика

2009   

Сани Эммануэль (Нигерия)

Борха (Испания) 5 

Нигерия

2011 

Хулио Гонсалес (Мексика)

Сулаймон Кулибали (Котд Ивуар) 9

Япония

РЕКОРДЛАР

Чемпионат рекордлари ҳақида сўз юритадиган бўлсак, ушбу турниргача АҚШнинг барча мусобақаларда узлуксиз равишда иштирок этиб келаётганини алоҳида таъкидлаш зарур бўларди. Лекин бу сафар “янкилар” саралаш баҳсларидан ўта олишмади. Энди Бразилия ва Аргентинанинг кўрсаткичи АҚШники билан тенглашади. Улар бир мартадан мундиалларни ўтказиб юборишган.

Франциялик Флорин Синама Поньол бир турнирда энг кўп гол уриш бўйича рекорд ўрнатган. У 2001 йилда 9 тўп киритишга муваффақ бўлган. Испания терма жамоаси эса 1997 йилги мусобақада 22 гол урган ҳолда терма жамоалар учун рекорд кўрсаткични қайд этган.

Беҳзод Назаров тайёрлади.

Rating:    

Comments

< show latest news
������.�������

Press "Like"
to read CA at facebook