UZ

Сўнгги янгиликлар

17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  6 16:20"Евро-2024"да ҳеч ким Англия билан тенглаша олмайди"  5 15:57"Қизилқум" "Локомотив" билан ўйин учун қайдномасини эълон қилди  0 15:44ПРО-Лига. Турнинг марказий учрашуви асосий таркиблари маълум  2 15:26Суперлига. 4-тур учрашувларини ўтказиб юборадиган футболчилар  2 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  8 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0

Карлуш Кейруш: “Эронни кейинги босқичга олиб чиқишни хоҳлайман” Янгиликлар

Карлуш Кейруш: “Эронни кейинги босқичга олиб чиқишни хоҳлайман”

Эрон терма жамоаси бош мураббийи ФИФА расмий сайти ходимлари билан суҳбатда бўлди.
2010 йил ЖАРда бўлиб ўтган жаҳон чемпионатида ушбу мураббий бошчилигида Португалия термаси нимчорак финалга қадар етиб борганди. Энди эса мураббий ўзининг янги жамоаси Эрон билан 2014 йилги мундиалда гуруҳдан чиқишни мақсад қилмоқда.

Хабарингиз бор, эронликлар ЖЧ-2014 саралаш босқичини юқори нотада якунлашди. Улар Жанубий Кореяни ортда қолдирган ҳолда гуруҳда биринчи ўрин бўлишди. Табиийки бош мураббий Карлуш Кейруш ҳамкасбларимиз билан суҳбатда бу мавзуга ҳам тўхталиб ўтди.

“Бу икки йиллик меҳнатимизнинг самараси бўлди, - дейди португалиялик мутахассис. – Жамоа охиригача бирлашган ҳолда тўп сурди, саралашнинг ҳар бир ўйинида ўзимизнинг энг яхши жиҳатларимизни кўрсата олдик. Қолаверса, омад ҳам биз томонда бўлганини айтиб ўтишим даркор. Ҳеч ким кутмаганда гуруҳда биринчи ўринни эгалладик, кимсан Жанубий Кореядек кучли рақибни ортда қолдирдик. Мен гуруҳдан чиқишимизга ишонгандим, бундан эса барчамиз хурсандмиз”.

“Биз барча танқидларни рад этган ҳолда фақат ишлашда давом этдик. Ўйинчиларим ҳам техник, ҳам руҳий томондан ўзларини кўрсата олишди. Жаҳон чемпионатига чиқиш учун муҳим қарорларни қабул қилишимиз керак эди, шунингдек, ҳеч кимнинг манфаати терма жамоаникидан устун эмаслигини йигитларга тушунтирдик. Натижада миллионлаб эронликларни хурсанд қила олдик”.

Эрон термасининг жаҳон чемпионатида қўйган мақсадлари қандай? Бу саволга жавоб берар экан, “Реал Мадрид”нинг собиқ устози шундай деди: “Эрон жаҳон чемпиони бўла оладими? Тўғрисини айтганда, бунга ҳеч ким ишонмайди. Қолаверса, Эрон ҳали Бразилия, Испания, Германия, Англия ёки Италия даражасига чиққани йўқ. Шунга қарамай, биз ҳам Эрон халқини хурсанд қилишни хоҳлаймиз. Хўш, бунга қандай эришиш мумкин? Кучли тайёргарлик кўриб, номдор рақибларни билан тенгма тенг ўйнаб, гуруҳдан чиқиш орқали. Ўйлайманки, жаҳон чемпионатида аҳволимиз ҳозирги ҳолатдан яхшироқ бўлади”.

Кейруш аллақачон қайта таъмирдан чиқарилган “Маракана” стадионига бориб қайтди. У Конфедерациялар Кубогининг финалини бевосита шу стадионда кузатди. “Мен Бразилияга жаҳон чемпионатини ҳис қилиш учун боргандим, - дейди Эрон термасининг устози. – Бу ерда тайёргарлик ажойиб тарзда кетяпти. Кейинги йил жуда қизиқарли мусобақанинг гувоҳи бўлсак ажаб эмас”.
 
Хайрулла Холиқов таржимаси
Рейтинг:    

Фикрлар

championat.asia
Яндекс.Метрика