Latest news

08:53ВИДЕО. "Милан" - "Наполи" 1:20 08:50ВИДЕО. "Манчестер Сити" - "Тоттенхэм" 2:20 08:46Фарғона “Вилоят Ҳокими Кубоги-2017” тақвими тасдиқланди0 08:39ВИДЕО. "Сток Сити" - "Манчестер Юнайтед" 1:11 08:36ВИДЕО. "Реал Мадрид" - "Малага" 2:10 08:29Футзал. Олий лига. 3-тур. Олтинчи кунги ўйинлар тақвими2 07:30“Бунёдкор” БААдан қайтиб келди0 05:36Юрген Клопп: “Суонси”га омад клуби боқди. Аммо улар ҳақли ғалабага эришишди”3 05:36Юрген Клопп: «Суонси» повезло в определенных моментах, но победили они заслуженно»0 05:24Кейлор Навас: “Малага”ни ишончсиз мағлуб этдик”0 05:24Кейлор Навас: «Победили «Малагу» не очень убедительно. Надеюсь, в следующий раз сыграем лучше»0 05:10Жозе Моуриньо: “Дурангларимиз жуда ҳам кўпайиб кетди”2 05:10Жозе Моуринью: «У нас слишком много ничьих для той атакующей игры, что мы показываем»0 04:57Маурисио Почеттино: “Биринчи бўлимда гол ўтказмаганимиз бахтимиз”1 04:57Маурисио Почеттино: «Нам повезло, что к перерыву мы подошли при счете 0:0»0

19 oct 10:32
News

Йигитларга кўпроқ эркинлик беринг, Дилшод ака!

Аввало кечаги ўйиндаги ғалаба билан ўзбек футболига бефарқ бўлмаган барчани табриклайман.
Ўсмирлар ўртасидаги жаҳон чемпионатини ғалаба билан бошлаш ёқимли. Умуман олганда, биринчи ўйинни ютганимиз яхши бўлди. Айниқса, бош мураббий Дилшод Нуралиевнинг елкасидан тоғ ағдарилгани бор гап. 

БААга кетишдан олдин ЎФФ биносида ташкил этилган матбуот анжуманида ҳам, у ёққа боргач ўйинолди матбуот анжуманида ҳам Дилшод Нуралиев “Биринчи ўйинда ҳаяжонни босиб олиш жуда муҳим” қабилида кўп гапирди. Буни биз ҳам биламиз, футболчилар ҳам. Лекин мураббий доим шу гапни қайтарар экан, биринчидан, у футболчиларни янада саросимага солиб қўяди, иккинчидан эса ўзи ҳаяжонланаётган бўлади. Фақат буни оммага билдиришни истамайди ва гўёки шогирдларига қарата “Ҳаяжонни босиб олиш жуда муҳим” деяверади.

Кечаги баҳсда ўсмирларимизнинг ҳаяжони ҳалиям босилмагани кўриниб турди. Хусусан биринчи таймдаги баъзи палапартиш ҳаракатлар шунинг оқибатида келиб чиққан бўлса не ажаб. Шундай тасаввур уйғондики, гўё ўйиндан аввал бош мураббий футболчиларга ҳаддан ташқари кўп гапириб “ҳуркитиб” қўйган. Бу энг аввало асосий таркибда ҳаракат қилган 11 кишига боғлиқ.

Жамоамиз ўйини то биринчи алмаштириш амалга оширилмагунча зерикарли ҳамда оғир кўринишда давом этаверади. Лекин иккинчи тайм бошида Жавоҳир Сиддиқов майдонга тушгач, йигитларнинг кайфияти ўзгарди-қолди. “Пахтакор” футбол мактаби тарбиялануувчиси бирпасда ўйинга киришиб кетди. Ахир у Дилшод Нуралиевнинг қўл остида тарбия топган-да. Унгача футболчиларимиз тўпни у ёқдан бу ёққа судраш билан овора эдилар. Сиддиқов майдонга тушгач, ўйинга сал бўлсаям “жон” кирди. Мазмун-моҳият пайдо бўлди.

“Машъал” тарбияланувчиси Шоҳжаҳон Аблосов тушганидан сўнг эса боядан бери тенгма-тенг ўйин кўрсатаётган паманаликларни умуман таниб бўлмай қолди. Ана энди уларнинг ўйинида палапартишлик бошланди. Нотўғри пас бериш, тўпни дуч келган тарафга тепиб юбориш ва ҳоказо. Уларнинг мураббийи қолган дақиқаларда кўрсатма бериб ўтирмади. Шартта жойига бориб ўтирганча ўйиннинг қолган қисмини миқ этмай кузатди.

Маълумки, футболда “установка” асосан бошланғич таркибдан жой оладиган 11 футболчига берилади. Назаримизда, Нуралиев “установка” бераётиб йигитларни “қийнаб” қўйган бўлса керак. Чунки ўта ҳушёрлик билан ҳаракат қилишди бизникилар, аммо футболда ҳаддан ташқари ҳушёр бўлиш ҳам ўйинни қўлдан чиқаришга олиб келиши мумкин. Захирадан тушадиганлар эса мураббийнинг икки-уч оғиз гапини эшитиб, тезда ўйинга киришиб кетишади. Яъни, бундай пайтда уларнинг “нутқ” тинглашга вақти бўлмайди.

Эътибор берган бўлсангиз, Жавоҳир Сиддиқов билан Шоҳжаҳон Аббосовнинг майдонга тушиши натижасида ўйинимиз бирданига қовушиб кетди. Аввало Аббосов тушганидан сўнг орадан беш дақиқа ўтиб ҳисобни очганини айтиб ўтиш лозим. Бундан ҳам муҳими, энди қолганлар ҳам “уйғонишди” ва бутун жамоа яхши ҳаракат қила бошлади. Кўрдингизми, баъзан эркин ўйнашни уқтириш ҳам кўп фойда беради. Бизнинг менталитетда ҳадеб “нотиқлик” санъатини намойиш этиб, футболчиларга гап уқтиравериш шарт эмас. Ўйинчиларимизга икки оғиз гап ҳам етади. Шундай экан, шогирдларингизга кўпроқ эркинлик беринг Дилшод ака деб қоламиз.

 

Изоҳ: Сарлавҳадаги эркинлик деганда майдонда эркин ҳаракат қилиш (ортиқча босимларсиз) каби маънода қабул қилишингизни сўраб қоламиз. 

Хайрулла ХОЛИҚОВ.
Rating:    

Comments

< show latest news

Weekly Best

Арманистонга қарши ўртоқлик ўйини бекор қилинди
Ўзбекистон миллий терма жамоасининг 12 февраль куни Анталия шаҳрида... 167
ФИФАдагилар зерикиб қолишдими? Улар сариқ карточка ва офсайдларни бекор қилишмоқчи
ФИФА техник директори Марко ван Бастен офсайд ва сариқ карточкалардан ... 87
Australian Open. Истомин - Буста - 3:2! Сенсация давом этади!
Мельбурн шаҳрида давом этаётган “Катта Дубулға” туркумидаги Австралия ... 76
"Реал Мадрид" – "Малага". Таркиблар маълум
Испания чемпионати доирасидаги "Реал Мадрид" –... 46
������.�������

Press "Like"
to read CA at facebook