14 nov 19:00
News

Ислом Тўхтахўжаев: "Насиб қилса Тошкентга Осиё Кубогига йўлланма билан қайтамиз"

Ўзбекистон терма жамоаси эртага Осиё Кубоги-2015 саралаши доирасида Вьетнамга қарши Ханой шаҳрида майдонга тушади.
Мухбиримиз Камолиддин Алимов айни пайтда Ханойда бўлиб турган терма жамоамиз ҳимоячиси Ислом Тўхтахўжаевдан қисқа интервью олди.

"Бугун "Май Дин" стадионида расмий машғулот ўтказдик", - деб гап бошлади Ислом Тўхтахўжаев.

"Майдоннинг ҳолати яхши, бундан нолимаймиз. Об-ҳаво ҳам яхши, табиийки намгарчилик юқори. Таҳминан 22-24 даража иссиқ экан. Ханойга жўнаб кетишимиз олдидан Филиппин, хусусан Вьетнамга ёпирилган тўфон ҳақида эшитгандик. Очиғи, бироз ҳавотир ҳам бор эди. Шукрки, ҳавф ортда қолибди. Ҳозир бор эътиборимизни эртанги ўйинга қаратганмиз. Насиб қилса, халқимизни чиройли ғалабамиз билан хушнуд этамиз. Йигитларнинг кайфияти аъло даражада. Бугунги машғулот ҳам юқори темпда ўтди. Насиб қилса, икки сафар ўйинида 6 очкони қўлга киритиб, Тошкентда Осиё Кубоги финал босқичига муддатидан аввал бериладиган йўлланма билан қайтамиз".
Rating:    

Comments

< show latest news
������.�������

Press "Like"
to read CA at facebook