UZ

Сўнгги янгиликлар

06 авг 11:11
Янгиликлар

Иордания бугун ўртоқлик учрашувини ўтказади

Иордания миллий терма жамоаси бугун Фаластин, 9 август куни Ливия терма жамоаларига қарши ўртоқлик учрашувида майдонга тушади.
15 август куни эса Теҳронда Сурияга қарши Осиё Кубогининг иккинчи тур баҳсида беллашади. Демак, бу жамоа ўз ўйинини яхши кўринишга келтирадиган пайт бошланди. Мураббийлар штабидан бирор вакилимизнинг Эрондаги ўйинни кузатиши фойдадан холи бўлмасди. Чунки мисрлик мураббий Ҳуссам Ҳассан бошчилигида иорданияликлар кўплаб машғулотларда иштирок этишмоқда. Уларда қандайдир ўзгаришлар юзага келган бўлиши табиий. Ўтган ҳафтада мутахассис “Шабаб Ол Ордун”дан Удай Хадир, Муҳаммад Шишани ҳамда Ҳамсе Дардурларни йиғинга таклиф қилди. Шу тариқа улар аллақачон ҳозир бўлган 29 футболчи қаторига қўшилишди. Иордания Кубоги беллашувларини диққат билан кузатиб бораётган Ҳассан бир қатор футболчиларни синаб кўришни мақсад қилди. Жамоалар иккитадан учрашувларда майдонга тушишди.

“Кубок баҳсларининг иккинчи тур ўйинларини штабимдаги мураббийлар билан кузатдим. Натижада терма жамоага таклиф этишга лойиқ бир қатор футболчиларни кўрдим. Янги чақирилган футболчилар яхши ўйин намойиш қилишди. Дардурни эса яна бир бор йиғинга таклиф этдик. У ўтган ҳафта маҳоратини намойиш этди. Терма жамоа эшиклари барча ўйинчилар учун очиқ. Унда фақат маълум футболчиларгина тўп тепмайди. Рақобат бор жойда иштиёқ юзага келади. Биз айнан шуни истаймиз”, - дея фикрларини билдирди мисрлик мутахассис.

3 августдан жамоа навбатдаги йиғинни бошлади. Кубок ва чемпионатнинг ҳар бир тур учрашувларидан кейин 2 кунлик йиғин ўтказиб келаётган Иордания  терма жамоаси Ўзбекистонга қарши баҳсга жиддий ҳозирлик кўрмоқда. Икки ўртоқлик ўйинида майдонга тушгач, жамоа 12 август куни Эронга учиб кетади.
Рейтинг:    

Фикрлар

< сўнгги янгиликларни кўриш

Энг яхшилар

Сурияга ютқаздик
ЖЧ-2018 саралаши доирасидаги Сурия - Ўзбекистон учрашуви бўлиб ўтди.  1228
Самвел Бабаян: "Охиригача курашамиз, ҳали имконият бор"
Ўзбекистон миллий терма жамоаси бош мураббийи Самвел Бабаян Сурияга...  527
Гуруҳдаги вазият билан танишинг
ЖЧ-2018 саралаши доирасидаги Сурия - Ўзбекистон учрашуви якунланди.  262
Виталий Денисов: "Гуруҳдаги вазиятимизни оғирлаштириб олдик, аммо ҳали имкониятимиз бор"
Ўзбекистон терма жамоаси ҳимоячиси Виталий Денисов Сурияга қарши...  198
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: