UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  7 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  5 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

II лига. Акрамжон Комилов туфайли – техник мағлубиятлар Янгиликлар

II лига. Акрамжон Комилов туфайли – техник мағлубиятлар

II лига жамоалари ўртасидаги Ўзбекистон чемпионатининг финал босқичида бугун иккинчи тур учрашувлари ўтказилди.
Пойтахтдаги “Ташсельмаш” стадионида майдон эгаси – “Обод” жамоаси “Бунёдкор”ни қабул қилди. Бу баҳс кутилмаган сценарийда ўтди. Биринчи лигага чиқишга қаттиқ аҳд қилганлиги учун, мазкур ўйинда фаворит ҳисобланган “Обод” биринчи бўлим ўртасида аянчли аҳволга тушиб қолди. Қандайдир 9 дақиқа ичида ёш “қалдирғочлар” рақиб дарвозасини уч маротаба нишонга олишга эришишди. Дастлабки иккита голга Владислав Нуриев муаллифлик қилди: 21 ва 26-дақиқаларда. Иккала сафар ҳам мезбонлар ҳимоячиларининг қўпол хатоларидан сўнг Нуриев “Обод” посбони билан яккама-якка ҳолатга чиқиб, вазиятлардан унумли фойдаланди. Учинчи голни эса узоқ масофадан берган чиройли зарбаси эвазига 29-дақиқада Иброҳим Ғофуров киритди.

Вазиятни қутқариб қолиш мақсадида, “Обод” бош мураббийи Фарҳод Сафаров ва-банкка кетди. У бир қатор алмаштиришлар амалга ошириб, ҳимоячилар сонини қисқартириб, ҳужумга катта куч ташлади. Бунинг оқибатида, “Обод” иккита жавоб тўпи киритишга муваффақ бўлди: Элёржон Акбаров дублга эришди. 60-дақиқада у пенальтини аниқ бажарди ҳамда 86-дақиқада жамоасининг иккинчи голини киритди. Қолганига эса вақт етмай қолди. “Бунёдкор” кеча худди шундай сценарий билан “Геофизика”да мағлубиятга учраганди. Яъни 0:3 ҳисобида бой бераётиб, якунда ҳисобни 2:3 қила олганди.

“А” гуруҳидаги иккинчи беллашувда Андижоннинг “ЎзДонг-Жу” клуби мусобақадаги дебютини ўтказди. Водий дербисида ҳисобни андижонликлар пенальтидан очишган эди. Аммо кўплаб бой берилган ва голга айлантирилмаган вазиятлар учун улар ўйин охирида жазо олишди. Стандартдан ошириб берилган тўпни Фарғонанинг “Динамо” жамоаси ўйинчиси боши билан нишонга аниқ йўллади. Ва шу тариқа турнирдаги илк дуранг қайд этилди – 1:1.

Аммо, лекин, бироқ... Мусобақага заявка топширишда ЎзПФЛ регламентининг тегишли бандини бузганлиги учун, “Бунёдкор”нинг кеча ва бугун ўтказган иккала ўйини натижалари бекор қилинди. Ачинарлиси, бугунги қийин эришилган ғалаба “ҳавога совурилди”. Гап шундаки, 2-лиганинг 2-босқичида иштирок этадиган жамоалар ўз рўйхатларига бу йил олий ва биринчи лигаларда тўп сурган футболчиларни ҳам киритишлари мумкин. Лекин фақат битта шарти билан: ўша футболчи энг камида 2013 йилнинг 15 сентябригача ўзининг ўша жамоасидан “отзаявка” қилиб юборилган бўлса. “Бунёдкор” рўйхатига киритилган чап қанот ҳимоячиси, ўсмирлар ўртасидаги ЖЧ-2013да Гондурас билан ўйинда антиқаҳрамонга айланган Акрамжон Комилов ёзда “Андижон”га ижарага берилган эди. У иккинчи даврада “Андижон” сафида 1-лигада ўйнади. Асосан терма жамоа йиғинларида банд бўлиб, у андижонликлар сафида ўзи аслида иккитагина учрашувда майдонга тушди. Аммо у мавсум охиригача “Андижон” таркибида ҳисобда бўлганлиги учун ҳам, “Бунёдкор” уни II лига финал босқичига заявка қила олмасди. Бироқ буни ҳеч ким инобатга олмаганлиги учун, бугун “Бунёдкор” машаққат билан эришган ғалаба шундоққина йўққа чиқди. Шундай қилиб, ёш “қалдирғочлар”нинг “Бунёдкор-Геофизика” билан кечаги (2:3, мағлубият) ва “Обод” билан бугунги (3:2, ғалаба) учрашувлари натижалари бекор қилинди ва уларга иккита техник (-:+) мағлубият ёзилди. Акрамжон Комиловнинг ўзи ҳам турнир охиригача дисквалификацияга учради.

Улуғбек Мирзаев

Ўзбекистон чемпионати. II лига. Финал босқичи
2-тур. 29 ноябрь
“А” гуруҳи

ЎзДонг-Жу – Динамо 1:1
Обод – Бунёдкор +:-
Турнир жадвали               Ў   О  Т-Н
1. Обод                            2   6   3-0
2. Бунёдкор-Геофизика     1   3   0-0
3. ЎзДонг-Жу                    1   1   1-1
4. Динамо                         2   1   1-4
5. Бунёдкор                      2   0   0-0

“Б” гуруҳи

Баҳор-Геолог – НДПИ 0:4
Ғиждувон – Толачи 2:0
Турнир жадвали             Ў   О  Т-Н
1. Ғиждувон                   2   6   4-0
2. Машъал                     1   3   5-1
3. НДПИ                         2   3   4-2
4. Баҳор-Геолог              1   0   0-4
5. Толачи                        2   0   1-7
Рейтинг:    

Фикрлар

championat.asia
Яндекс.Метрика