Latest news

23:06Франция. ПСЖ «Монпелье»га йирик ҳисобда ютқазди29 23:06Чемпионат Франции. «ПСЖ» в гостях разгромно уступил «Монпелье»0 22:45ВИДЕО. "Барселона" - "Реал Мадрид" 1:137 22:36«Реал»нинг мағлубиятсиз серияси 33та ўйинга етди39 22:36«Реал» продлил беспроигрышную серию до 33 матчей1 22:32Чемпионат Испании. «Барселона» сыграла вничью с «Реалом»0 22:25Англия. «Тоттенхэм» «Суонси»ни тор-мор этди ва бошқа натижалар8 22:25Чемпионат Англии. «Тоттенхэм» разгромил «Суонси» и другие матчи0 22:19ФОТОГАЛЕРЕЯ. "Барселона" - "Реал Мадрид" 1:142 22:05Ла Лига. Рамос "эль класико"да "Реал"ни мағлубиятдан қутқариб қолди220 21:45«Боруссия» Дортмунд – «Боруссия» Менхенгладбах. Ройс учта голли пас оширди6 21:45«Боруссия» Дортмунд – «Боруссия» Менхенгладбах. Ройс сделал три голевые передачи0 21:33Германия. «Дортмунд» - «Менхенгладбах» 4:1 ва бошқа ўйинлар2 21:33Чемпионат Германии. «Дортмунд» разгромил «Менхенгладбах» и другие матчи0 21:16Агуэро 4та ўйинга дисквалификация қилинади8

19 dec 15:00
News

Ичимдаги гаплар... Бизни жамоани қайтариб беринг!

Мана яқинда навбатдаги Ўзбекистон чемпионати ўйинлари якунланди. Бир амаллаб тугатиб олдик десак тўғри бўлади.
Бу мавсум “Қизилқум” жамоаси ва унинг мухлислари учун қониқарсиз мавсум бўлди. Тўғри, ҳеч ким “Қизилқум”дан медаллар учун курашишни кутмаганди, лекин бу даражада ёмон натижалар кутишмаганди. Ўз вақтида бронза медал соҳиби бўлган “Қизилқум”нинг охирги ўринларда юриши биз учун ачинарли ҳол бўлди. Зарафшон шаҳридан ҳам анча кучли футболчилар етишиб чиққан. Владислав Кирян, Алексей Николаев, Дмитрий Кузин, Ренат Байрамов бунга мисол бўла олади. Сергей Дуб,  Марсель Индиатулин, Спартак Муртазоев, Мирзакамол Камолов, Суннатилло Мамадалиев, Виктор Карпенко, Владимир Шишелов, Шерзод Каримов ҳам айнан “Қизилқум”да ўйнаган пайтлари халққа танилган эди. Афсус, олдинги “Қизилқум” билан ҳозирги “Қизилқум”ни солиштириб бўлмайди. Майли, биз шунга ҳам рози эдик, лекин…

Шу мавсумнинг 2-даврасини “Қизилқум” Зарафшонда эмас, Навоий шаҳрида ўтказди. Сабаби эса стадион реконструкция қилинишини ва “Қизилқум” яна Зарафшонга қайтишини айтишганди. Бу хабарни эшитиб бошида хурсанд бўлгандик. Навоийдаги ўйинларга бориш учун биз мухлисларга автобус ажратилиши ҳам айтилди. “Насаф” билан ўйинга замонавий “Мерседез” автобуси ажратилди. “Локомотив” билан ўйинга эса ўша автобус “Отайўл”га айланиб қолди. Майли, бунга эътирозимиз йўқ, лекин реконструкция ишлари-чи? Қайта таъмирлаш битганча дейишганди, лекин бу гапга 6-7 ой бўлибди-ки, лекин ҳали таъмирлаш ишларидан дарак йўқ. Ҳар куни ишга кетаётганда қараб ўтаман лекин бирор марта таъмирлаш бўлаётганини кўрмадим. Ичимда балки кечаси ишлаётгандир-да деб қўяман. Сиз айтишингиз мумкин, балки энди бошланар деб.

Зарафшон шаҳрида ёзи жуда иссиқ, қиши жуда совуқ бўлади. Бунақа совуқ кўчада туришни ўзи бўлмайди. 6 ой ичда бошланмаган реконструкция ишлари энди бошланишига ишониш қийин. Бу билан бизга янги стадион керак демоқчи эмасман. Бизни ёш болаларча аҳмоқ қилмасдан, рост гапни айтишни, “Қизилқум”ни яна Зарафшон шаҳрига қайтаришларини хоҳлайман. Тўғри, стадиондаги айрим муаммолар талабга жавоб бермас, лекин Навоийдаги “Сўғдиёна” стадиони нимаси билан талабга жавоб берар экан? Томошабин кўп келишини ҳисобга олмасак, бу икки стадион бир хил даражада-ку! Зарафшондаги клуб базасига гап бўлиши мумкин эмас, ҳамма шароитлар бор. Бунақа база Навоий шаҳрида борми-йўқми билмадим.

Кейин ҳамма Навоийда кўп томошабин тушишини айтяпти. Ўша одамларга савол бергим келади: Навоийни аҳолиси қанча-ю Зарафшонники қанча? Тошкентнинг битта кварталича келадиган бу шаҳар учун 3-4 минг одам жуда ёмон натижа эмас-ку. Ўша 3-4 минг томошабинни пойтахт жамоалари ҳам йиға олмайди-ку ахир! Қани ўйиннинг қоқ туш пайти эмас, 17:00 ёки 18:00 га қўйишсин-чи 4-5 минг одам кирмас  эканми?  Менимча, “Қизилқум”ни Навоий шаҳрига кўчиришмоқчи. Қизиқ, бунақаси фақат бизда бўлса керак. Бир шаҳар жамоасини бошқа шаҳарга ўтказиб юборишса-я. Зарафшон шаҳридаги футбол муҳлислари  бунга норози бўлишмоқда. Яқинда Мираброр Усмоновга ҳам хат жўнатмоқчи бўлгандик. Чунки биз индамасдан қараб ўтирмоқчи эмасмиз. Мана бу йил “Зарафшон-ПФК” жамоаси 1-лигада 3-ўринни эгаллади. Янги мавсумда ўша таркибни сақлаб қолиб яна озгина ҳаракат қилинса, олий лигага ҳам чиқишлари мумкин-ку? Олий лигада Навоий дербисини қанча-қанча одамлар соғинган ахир.  Нима учун айнан “Қизилқум”ни тортиб олишлари керак. Ҳамма стадиондаги реконструкция ишларини сўрамоқда, ҳамма билиши учун стадионнинг ҳозирги аҳволини расмга тушириб сизларга жўнатишга қарор қилдим. Расмларни томоша қилиб, бир ўйлаб кўринг-чи биз зарафшонликлар шунга лойиқмизми? “Қизилқум”ни Навоийга кўчириш адолатданми?   

Яқинда “Қизилқум” раҳбатиятидан бири ўз интервьюсида Зарафшондаги стадион таъмирланаётгани борасида айтиб ўтибди. Унда қаранг-чи бу стадион таъмирланяптимикин?

“Қизилқум” - Зарафшон шаҳриники ва Зарафшонда қолиши шарт. Ахир бекорга биз қуйидаги гапни 10-12 йилдан бери айтмаймиз:
Зарафшон - менинг шаҳрим,
“Қизилқум” - менинг жамоам.

Ёки энди ўзгартирамизми:
Навоий - менинг шаҳрим,
“Қизилқум” - менинг жамоам, деб

Хуллас, бизга жонажон жамоамиз “Қизилқум”ни қайтаринг. Бизга “Қизилқум” керак. Майли 1-лигада ўйнаса ҳам, лекин бизга асл “Қизилқум”ни қайтаринг. Сизларга жамоа керак бўлса, ўзларингиз бунёд этинг.

Eldarado_13
Зарафшон шаҳридан championat.asia сайти учун.
Rating:    

Comments

< show latest news
������.�������

Press "Like"
to read CA at facebook