30 sep 11:15
News

Ҳусниддин Ғофуров жамоаси мағлуб бўлди

Ўтган ҳафтада Сербияда мамлакат Кубоги 1/16 финал ўйинлари бўлиб ўтди.
Маълумки ушбу мамлакат чемпионатида юртдошимиз Ҳусниддин Ғофуров тўп сурмоқда. Иваницанинг "Явор" клуби аъзоси бўлган Ғофуров вақт ўтган сайин янги жамоаси ўйинига мослашиб бораётган кўринади. Сабаби бош мураббий Богича Богиевич 19 ёшли ҳужумчини аввалига захирада қолдираётганди. Охирги турларда эса Ғофуров жамоаси иштирокидаги ўйинларда қатнашиб келмоқда.

"Явор" ўтган ҳафтанинг чоршанба оқшомида "Напредак" майдонига сафар уюштирди. Турнир жадвалида 7-ўринда кетаётган ушбу жамоа шу куни "Явор"га жиддий қаршилик қилди. Ҳамюртимиз Ҳусниддин Ғофуров эса учрашувни дастлабки дақиқалардан асосий таркибда бошлаганини айтиб ўтиш лозим. Иккини бўлим ўрталарига келиб "Явор" мураббийи ўйинни янада кучайтириш мақсадида Ғофуровнинг ўрнига 66-дақиқада  Жозевични туширди. Аслида шу куни "Явор" сафардан дуранг натижаси билан ҳам қайтиши мумкин эди. Аммо 90+5-дақиқада мезбонлар ирода кўрсатиб, учрашувдаги иккинчи голини ҳам уришга эришди. Шу тариқа "Явор" 2:1 ҳисобида имкониятни бой берди.

Эслатиб ўтамиз, Ғофуров жамоаси ҳозирча чемпионатда турнир жадвалида 11-ўринни эгаллаб турибди.
Rating:    

Comments

< show latest news
������.�������

Press "Like"
to read CA at facebook