Latest news

23:27Olamsport: Ригада боксчиларимиз муваффақиятли иштирок этмоқдалар, Дўсматов йилнинг энг яхшиларини тақдирлаш маросимига таклиф қилинди ва бошқа хабарлар0 23:00"Тоттенхэм" ва "Ливерпуль" Хавьер Эрнандес учун курашга қўшилди16 23:00"Тоттенхэм" и "Ливерпуль" поборются за Хавьера Эрнандеса0 22:42Расмга изоҳ беринг 36 22:42«Милан» Тевесга қизиқиб қолган1 22:42«Милан» интересуется Тевесом0 22:30ВИДЕО. "Бавария" - "Вольфсбург" 5:00 22:21Испания. «Реал Сосьедад» «Валенсия»дан устун келди1 22:21Чемпионат Испании. «Реал Сосьедад» обыграл «Валенсию»0 22:15Неманья Матич "Вест Бромвич"га қарши ўйнамайди1 22:15Неманья Матич не сыграет с ВБА0 21:59Англия. «Арсенал» «Сток Сити»ни мағлуб этди ва бошқа натижалар29 21:59Чемпионат Англии. «Арсенал» обыграл «Сток Сити» и другие матчи0 21:54Уолкотт фаолиятидаги 100-голини урди4 21:54Уолкотт забил 100-й гол в клубной карьере0

12 aug 15:18
News

Ҳаким Фузайловни табриклаймиз

Бугун «Локомотив» футбол клуби бош мураббийи Ҳаким Фузайлов ўзининг туғилган кунини нишонламоқда.
Ҳаким Қаюмович футболчилик фаолияти давомида Душанбенинг «Помир», «Локомотив» (Москва) ҳамда «Арсенал» (Тула) жамоалари сафидаги чиройли ва мазмунли ўйинлари билан мухлислар меҳрини қозонган. 1992 йилги мавсумда эса биринчи Россия чемпионати якунларига кўра энг яхши 33 нафар футболчи қаторидан жой олди. Бутсаларини михга илганидан сўнг Фузайлов ўзини мураббийлик соҳасида синаб кўрди ва аввалига (1998-1999 йиллар) «Бухоро» жамоасини бошқарди. Кейинги уч мавсум давомида «Самарқанд-Динамо»да фаолият кўрсатди ва шу йиллар давомида самарқандликларнинг миллий чемпионатларимиздаги энг юқори кўрсаткичини (2000 йил, 4-ўрин) қайд этишларида муҳим ўрин тутди. 2003 йилда бир мавсум «Андижон»га устозлик қилган Фузайловнинг кейинги фаолияти бир қатор Россия клубларида давом этди. Ниҳоят 2012 йилда таниқли мутахассиси яна ўзи учун қадрдон бўлиб қолган Ўзбекистонга қайтди ва Тошкентнинг «Локомотив» жамоасида катта мураббий лвозимида фаолият кўрсата бошлади. Мавсум ўрталарига келиб Фузайловга бош мураббий вазифасини бажариш ишониб топширилди ва Ҳаким Қаюмович ўтган мавсумнинг иккинчи ярмида темирйўлчилар билан ажойиб натижага эришди. «Локомотив» ўз тарихида биринчи марта чемпионат совриндорлари сафидан жой олди. Жорий мавсумни эса Фузайлов шогирдлари янада кўтаринки руҳда ўтказган ҳолда ҳам чемпионлик, ҳам кубок учун курашни давом эттиришмоқда. Албатта жамоа эришаётган бу муваффақиятлар замирида шубҳасиз бош мураббийнинг хизматлари беқиёс.

Фурсатдан фойдаланиб «Ўзбекистон темир йўллари» ДАТК раҳбарияти, «Локомотив» профессионал футбол клуби маъмурияти ҳамда жамоанинг кўп сонли мухлислари номидан Ҳаким Қаюмович Фузайловни бугунги таваллуд айёми билан самимий муборакбод этамиз. У кишига узоқ умр, сиҳат-саломатлик ва оилавий бахт тилаймиз. Ишонамизки, Фузайлов бош мураббийлигида «Локомотив» клуби ҳали кўплаб ғалабаларга эришади ва ўз мухлисларини қувонтиришда давом этади. Бу йўлда Ҳаким Қаюмовичга куч-қувват ва сабр-бардош тилаб қоламиз.

«Локомотив» ПФК маъмурияти
Rating:    

Comments

< show latest news
������.�������

Press "Like"
to read CA at facebook