10 jan 11:38
News

Ҳакамлар ва назоратчилар янги мавсум олдидан аттестациядан ўтадилар

Олий ва биринчи Лига, футбол бўйича Ўзбекистон Кубоги ҳамда бошқа мусобақалар учун ҳакам ва назоратчиларни малакасини ошириш мақсадида жисмоний тайёргарлик, ҳакамлар ва назоратчилар учун ўйин қоидалари бўйича аттестациядан ўтиш ҳақида ЎФФ президенти буйруғи эълон қилинди.
Унга кўра, 2014 йилги мавсум олий ва биринчи лига, шунингдек Ўзбекистон Кубоги ҳамда бошқа мусобақалардаги ҳакамлик савияси ва сифатини ошириш мақсадида 20 январ - 22 февраль кунлари футбол қоидалари ва жисмоний тайёргарлик бўйича аттестация жараёни ташкил этилади.

Футбол мураббийлари ва ҳакамлари Республика мактабида ҳамда ЎФФ ҳакамлар ва назоратчилар қўмитаси билан биргаликда 2014 йилги мусобақалар учун ҳакам ва назоратчиларни аттестациядан ўтказиш ва улар учун ўқув-машғулот йиғинларини ташкил этиш мақсадида беш босқичдан иборат модул ишлаб чиқилди.

1-Босқич: 20-22 январь (Назоратчилар малакасини ошириш бўйича курслар)
2-Босқич: 27-31 январь (Ҳакамлар учун ўқув-машғулот йиғини)
3-Босқич: 3-7 февраль (Ҳакамлар учун ўқув-машғулот йиғини)
4-Босқич: 10-14 февраль (Ҳакамлар учун ўқув-машғулот йиғини)
5-Босқич: 17-21 февраль (Ҳакамлар учун ўқув-машғулот йиғини)
Rating:    

Comments

< show latest news
������.�������

Press "Like"
to read CA at facebook