UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  7 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  6 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

ФИФА ҳаками Цейтлин протокол тўлдиришда хатога йўл қўйди Янгиликлар

ФИФА ҳаками Цейтлин протокол тўлдиришда хатога йўл қўйди

Хабарингиз бор, олий лиганинг 3-туридан ўрин олган “Бунёдкор” – “Олмалиқ” баҳсини ФИФА рефериси Владислав Цейтлин бошқариб борди.
1:1 ҳисобида якунига етган баҳсда олмалиқликлардан тўпни жамоанинг янги ярим ҳимоячиси Александр Алимпиевич киритди. Аммо Цейтлин ўйиндан кейин протокол тўлдиришда хатоликка йўл қўйиб, голни Санжар Шоаҳмедов номига ёзиб юборди.

Маълумки, учрашув протоколи расмий қайднома ҳисобланади. Ва статистика билан шуғулланувчи кишилар шунга монанд иш юритишади. “Бунёдкор” – “Олмалиқ” учрашувининг 54-дақиқасида шундай воқеа юз берди. Жарима майдончаси ичига шиддат билан кириб борган “Олмалиқ” ҳужумчиси Зафар Полвоновни Хайрулла Каримов қўполлик ишлатган ҳолда тўхтатиб қолди.

Владислав Цейтлин бу ерда пенальти берди-ю, аммо Каримовга ҳеч бўлмаса “сариқ” ҳам кўрсатмади. Чунки у биларди, футболчининг сал олдин сариқ карточка олганини ва бу ўринда ҳимоячини аяди. Пенальтини жабрланувчининг ўзи тепишга қарор қилди. Аммо Зафарнинг тепган тўпи аввал Акбар Тўраевнинг қўлига, кейин дарвоза тўсинига тегиб майдонга қайтди ва қайтган тўпга биринчи бўлиб етиб келган Алимпиевич бош билан зарба берган ҳолда ҳисобни очди.

Лекин голни нишонлаш учун биринчи бўлиб Санжар Шоаҳмедов қўлларини осмонга кўтарганча югуриб кетди ва шу пайт Цейтлин шу ўйинчи тўп киритди деган хаёлга борган бўлса керак. Санжарнинг ўзи билан боғланганимизда, ярим ҳимоячи гол ўзининг ҳисобига ёзилганидан хабари борлигини, аммо гол урмаганини маълум қилди. Қолаверса, такрорий вазиятда ҳам тўпни Алимпиевич киритгани шундоқ намоён бўлган.

Натижада ПФЛ расмий сайтининг ҳам ўзбекча, ҳам русча версиясида гол Шоаҳмедов номига кетди. Чунки улар учрашув протоколидан фойдаланишган. Протоколни тўлдирган Цейтлин эса хатоликка йўл қўйган. Қизиғи, “Бунёдкор” сайтидаги ўйин шарҳида голни ҳақиқатдан ҳам Алимпиевич ургани ёзилган, лекин қайдномада барибир Шоаҳмедов кўрсатилган. “Олмалиқ” расмий сайтида ҳам гол Санжар номига ёзилган. Кўрдингизми, бош ҳакамнинг протоколни нотўғри тўлдириши оқибатида мана шундай тушунмовчилик юзага келган.



Ана энди сешанба куни футболга оид газеталарни кўрамиз. Қизиқ, нашрлар голни кимнинг номига ёзишаркин.  Эътиборлиси, бу ҳолат “Бунёдкор” иштирокидаги ўйинларда кетма-кет иккинчи бор такрорланяпти. Хусусан, 2-турдаги “Машъал” – “Бунёдкор” баҳсида ҳам голни аслида Дилшод Жўраев урган, аммо кўпчилик Сардор Собирхўжаев номига ёзиб юборганди, шу жумладан ПФЛ расмий сайти ҳам (фақат бу хато кейинроқ тўғирланди).

Лекин унда бош ҳакам Валентин Коваленко протокол тўлдиришда адашмай, голни Дилшод Жўраев номига ёзганди. Кўрганлар айтди: Владислав Цейтлин голни Санжар Шоаҳмедов ҳисобига ёзворибди. Нима ҳам дердик, футболда шунақасиям бўлиб туради.

Хайрулла Холиқов.
Рейтинг:    

Фикрлар

championat.asia
Яндекс.Метрика