Latest news

14:40Сардор Азмун: “Топган пулларимнинг ҳаммасини ота-онамга бераман”0 14:25Олий лигада голлар ва натижалар таҳлили0 14:16Хамес Родригес жорий мавсумда "Реал"нинг энг яхши ассистенти3 13:45Зиданнинг "Реал" бош мураббийи сифатидаг 50 та учрашув ўтказди13 13:45«Эрудит Спорт»: 2016 йилнинг 5 кашфиёт футболчиси3 13:25Рустам Акрамов: "Мен учун Бердиев ва Абдухолиқов энг кучлилари"8 13:14Моуриньо: "Ўзимни энг яхши мураббий деб ҳисобламайман, бунақаси бўлмайди"7 13:14Моуринью: я не считаю себя лучшим тренером, таких не бывает0 13:05Олий лига-2016. Иккинчи давранинг энг фойдали трансферлари18 12:53Кроос: "Клублар ўртасидаги ЖЧда учинчи маротаба ғолиб бўлиш мен учун аҳамиятли воқеа бўлади"4 12:50Кроос: выиграть клубный ЧМ в третий раз будет особенным событием для меня0 12:45"Бухоро" хорижда йиғин ўтказадими? 7 12:38"Кашима Антлерс" - "Окленд Сити". Учрашувни африкалик ҳакамлар бошқариб боришади8 12:25Норхоновга кўплаб клублар қизиқишмоқда22 12:18Карим Бензема ЧЛ тарихидаги бешинчи рақамли тўпурарга айланди5

14 may 15:06
News

Европа Лигаси. Бугун Гутман қарғиши йўққа чиқадими?

Бугун Италиянинг Турин шаҳрида Европа Лигасининг навбатдаги мавсумида ғолиб чиққан жамоа номи маълум бўлади. Унда Пиреней ярим ороли вакиллари “Севилья” ва “Бенфика” тўқнаш келади.
Жамоалар ўйнайдиган шаҳарлар бир-биридан узоқ жойлашмаган. Уларни 310 километр масофа ажратиб туради. Лекин рақобат ҳаддан ташқари юқори. Чунки Испания ва Португалия клублари тўқнаш келганда ҳамиша кескин учрашувлар кузатилади. Бу сафар ҳам шундан мустасно бўлмаса керак.

“Севилья” мавсумни ижобий якунлаши учун бугунги финалда зафар қучиши лозим. Унаи Эмери жамоани қабул қилиб олганда бир қатор муаммоларга дуч келганди. Лекин уларни мардонавор енгиб, иккинчи мавсумда соврин ютиб олиш имкониятига эга. Севильяликлар финалгача матонат кўрсатишди.

“Бетис”га ўз майдонида 0:2 ҳисобида ютқазиб, жавоб ўйинида қийин вазиятдан чиқиб кетишди. “Порту”га биринчи беллашувда енгилиб, жавоб баҳсида бир бўлим кам ўйнаган ҳолда умумий ғалабани қўлга киритишди. Ярим финалда эса “Валенсия” билан сафарда охирги сонияларда киритилган тўп туфайли финал йўлланмасига эга чиқишди.

“Севилья” охирги йилларда икки бор ушбу мусобақа финалида майдонга тушган ва ҳар иккисида зафар қучган. Иван Ракитич айни пайтда жамоа етакчисига айланган. Финалда ҳам кўп нарсани унинг қандай ўйнай олиши ҳал этиб беради.

“Бенфика” Еврокубокларда узоқ йиллардан бери ғалаба қозона олмаяпти. Охирги 7 финалнинг барчасида имконият бой берилган. Ўтган асрда бош мураббий бўлиб ишлаган Гутман ўзини ноҳақ ишдан бўшатишгандан кейин клубни лаънатлагани ва унинг кучи 100 йилга етиши ҳақида айтганда кўпчилик бунга шунчаки кулиб қўйганди. Бироқ “Бенфика” Еврокубокларда ўшандан буён зафар қучмади.

Ўтган йили ушбу турнир финалида “Челси” билан ўйинда тўлиқ устунлик қилган бўлишига қарамай, керакли голларни ура олмаган ва ўйин охирида лондонликлар бурчак зарбасидан кейин ғалаба тўпини киритишганди. Кўрамиз, Гутман қарғиши бу йил йўққа чиқармикан ёки йўқ?

Таркиблар борасида муаммо кўпроқ португалияликларда мавжуд. “Севилья”да фақат Хайро дисквалификация сабабли майдонга тушмайди. “Бенфика”да эса Перес, Сальвио ва Маркович шундай жазога йўлиққан. Перес ҳамда Маркович жамоа етакчилари саналади. Уларнинг ўрнини тўлдириб, аввалги савияда ўйин кўрсатиш учун Жуан Жезуш яхшигина бош қотиришга мажбур.

Дарвоқе, “Бенфика” Еврокубокларда қатнашган клублар орасида ўзи иштирок этаётган барча мусобақада ғолиб чиқиши мумкин бўлган ягона клуб бўлиб турибди. Жамоа Португалия чемпионлиги ва лига кубогига эга чиқди. Олдинда Европа Лигаси ҳамда Португалия Кубоги финаллари бор.

Бугунги финалда ҳужумкор жамоалар тўқнаш келади. Демак, барчамизни хавфли вазиятларга бой учрашув кутиб турганига шубҳа йўқ.

СЕВИЛЬЯ – БЕНФИКА

Турин. “Ювентус стэдиум”. 23:45.

Бош ҳакам: Феликс Брих (Германия).

Тахминий таркиблар

“Севилья”: Бету – Коке, Пареха, Фасио, Альберто Морено – Каррису, Мбиа – Рейес, Ракитич, Витоло – Бакка.

“Бенфика”: Артур – Макси Перейра, Луизао, Гарай, Сикейра – Андре Гомеш, Рубен Аморим, Гайтан – Родриго, Лима, Кардосо.

Жароҳатланганлар: Кристофоро, Черишев – Силвиу, Фейса.

Дискваликиация: Хайро – Перес, Сальвио, Маркович.

Rating:    

Comments

< show latest news
������.�������

Press "Like"
to read CA at facebook