23 aug 14:46
News

Эркин Бойдуллаев: "Мухлисларнинг далдаси бизга жуда қўл келди"

Хабарингиз бўлса керак, кеча мамлакат Кубогининг ярим финал жавоб учрашуви бўлиб ўтди.
Қаршидаги "Марказий" стадионда кечган "Насаф" - "Пахтакор" ўйинида мезбонлар 2:0 ҳисобида ғалабага эришиб, финал йўлланмасини қўлга киритди. "Аждарлар"нинг ушбу муваффақиятига сезиларли ҳисса қўша олган Эркин Бойдуллаев учрашувдан сўнг, championat.asia сайтига блиц-интервью берди.

- Эркин ака, аввало жамоангизнинг Кубокда кетма-кет учинчи бор финалга йўл олгани билан табриклайман. Ўйин хусусида қисқача фикрларингизни билмоқчи эдик.
- Табрик учун раҳмат. Ўйин жамоамиз учун ажойиб ўтди. Ғалабага осонликча эришдик дея олмайман. Стадионга келган ишқибозлар ҳар бир бўлимда биттадан гол кўришди. Ўйлайманки, учрашув кўпчиликка ёқди.

- Учрашувнинг асосий бўлимларида иккита тўп киритиб, ғалаба қозонишингларга шахсан сиз қанчалик ишонган эндингиз?
- Ўйиндан олдин барчамиз фақат ғалаба ҳақида ўйлагандик. Бунинг учун жамоанинг барча аъзоси қўлдан келганича ҳаракат қилди ва жамоавий ютуқни қўлга киритдик.

- "Пахтакор"нинг ўйини қандай таассурот қолдирди?

- Бу жамоа табиийки Қаршидан ижобий натижа билан қайтиш илинжида ўйнади. Аммо бизнинг ҳам олдимиздаги вазифа финалга йўл олишдан иборат эди. Шу боис устунликни қўлга олишга ҳаракат қилдик. Боз устига минглаб мухлисларимизни қувонтиришимиз шарт эди. Аслида "Пахтакор"ни бундан ҳам йирик ҳисобда ютишимиз мумкин эди. Гол уриш учун кўплаб вазиятларни яратдик. Ушбу муваффақиятимизга ашаддий ишқибозларимизнинг далдаси муҳим бўлди. Боиси трибуна деярли тўлди. Бу эса ҳар қандай футболчининг руҳий томондан кайфиятини кўтариб юборади, завқ бағишлайди. Шу ўринда стадионга келиб жамоамизни қўллаб-қувватлаб турган минглаб фанатларимизга миннатдорчилик билдириб қоламан.


Исломбек Рустамбеков суҳбатлашди.
Rating:    

Comments

< show latest news

Weekly Best

Арманистонга қарши ўртоқлик ўйини бекор қилинди
Ўзбекистон миллий терма жамоасининг 12 февраль куни Анталия шаҳрида... 168
ФИФАдагилар зерикиб қолишдими? Улар сариқ карточка ва офсайдларни бекор қилишмоқчи
ФИФА техник директори Марко ван Бастен офсайд ва сариқ карточкалардан ... 90
Australian Open. Истомин - Буста - 3:2! Сенсация давом этади!
Мельбурн шаҳрида давом этаётган “Катта Дубулға” туркумидаги Австралия ... 77
"Реал Мадрид" – "Малага". Таркиблар маълум
Испания чемпионати доирасидаги "Реал Мадрид" –... 46
������.�������

Press "Like"
to read CA at facebook