UZ

Сўнгги янгиликлар

11:38Хорхе Фоссати иштирокидаги матбуот анжумани LIVE  4 11:34"Насаф": Тарбияланувчиларимиз «Наврўз” кубогида муваффақиятли иштирок этишди  0 11:19Самвел Бабаян: "Ҳайкал ҳозирча керак эмас"  66 10:51Ўзбекистон терма жамоаси Қатарга қарши кўк футболкада ўйнамайди  34 10:45Роналду жарима зарбасидан ажойиб гол урди. Португалия - Венгрия 3:0 (видео)  3 10:38Даврон Кабулов: "Ишимга аралашишмаса Ўзбекистон МТЖни ЖЧга олиб чиқа оламан"  43 10:10"Реал" Азарни харид қилиш учун Хамесдан фойдаланиши мумкин  7 10:10ВИДЕО. Англия - Литва 2:0  1 09:58"Пахтакор": Олма-Отадаги турнирда бир ғалаба ва бир дуранг  6 09:50Лапорт Франция терма жамоасига чақирилди   1 09:35Жесси Лингард: "Юрагим МЮга тегишли"  4 09:21Гранит Жака "Арсенал"дан кетмоқчи эмас  9 08:51"Милан" Бальде Кейтани сотиб олмоқчи  3 08:32Жейми Варди: «Уэмбли»га рақиблар ҳимояланиш учун келишади»  7 08:10Иззатилла Абдуллаев: “Ғалабага ҳиссамни қўшганимдан хурсандман”  7

16 ноя 17:06
Янгиликлар

Диққатимиз марказида - "Бундеслига 1963-2013"

Жаҳондаги энг томошабоб лигалар қаторида эьтироф этилувчи Германия Бундеслигаси жорий йилда ярим асрлик тўйини нишонлади.
Ушбу чемпионатнинг ўзига хос жихатлари, унда қайд этилган рекордлар билан танишиш сиз учун қизиқ бўлади деб ўйлаймиз. Демак, бугун диққат-эьтиборимиз марказида – Бундеслига!

- 1963 йил августда Германия бирлашган бундеслигаси илк тур учрашувлари ўтказилган. Бунга қадар эса жамоалар ҳудудий турнирларда иштирок этиб келганлар. Лекин 1962 йил июлда Германия футбол иттифоқи умумий лига тузишга қарор қилади ва 1963 йилги мавсумдан бошлаб Германияда ҳам умумий тарзда ўтказиладиган чемпионат ташкил этиш йўлга қўйилади. 

- Илк чемпион:

Дастлабки мавсумда чемпионлик “Кëлн” жамоасига насиб этган. Илк марта ташкил этилган бирлашган чемпионатда ғолибликни қўлга киритган ушбу жамоа кейинчалик пешқадамликни “Бавария” га бериб қўяди.

- Энг кўп чемпионлик шохсупасига кўтарилган жамоа:

Ҳа, сезиб турганингиздек бу борада “Бавария” нинг олдига тушадигани йўқ. Мюнхен суперклуби 22 бор чемпионлик “лагани”ни боши узра кўтаришга эришган. Мюнхенликлар ҳар доим ғолиблик учун давогар бўлиб келганлар. Бу мавсумда ҳам чемпион бўлиш Пеп Гвардиола шогирдларига насиб этадими ëки йўқми – буниси бизга қоронғу. Аммо “Бавария”нинг рекорди бошқа жамоалар томонидан яқин йиллар ичида забт этилмаса керак...

- Энг кўп чемпионлик шохсупасига кўтарилган футболчилар:

“Бавария” сафидаги ëрқин ўйинлари билан эсда қолган яқин ўтмиш футбол юлдузлари – Оливер Канн ва Мехмет Шëлл саккиз мартадан Германия чемпионлигини қўлга киритишган. Табиийки, улар иккиси ҳам шохсупага “Бавария” таркибида кўтарилган.

- Энг кўп ўйин ўтказган футболчилар:

Карл Ҳайнц Кўрбе Франкфурт шарафини ҳимоя қилувчи “Айнтрахт” жамоаси рамзларидан бири ҳисобланади. Кўрбел Франкфуртликлар сафида 602 та учрашув ўтказган. Унинг бу рекордини ҳали бери янгиланиши даргумон.  Ўйинлар сони бўйича ундан кейинги ўринни кўп йиллар давомида “Гамбург” сафида мазмунли ўйин намойиш этиб мухлислар қалбидан жой эгаллаган Манфред Калц банд этган. Калц умумий хисобда 581 баҳсда майдонга тушган.


- Энг кўп тўп киритган футболчилар:

Мюнхен суперклуби тарихига ўз номини зархал харфлар ила битиб қўйган футболчилар орасида Герд Мюллер номи алоҳида эхтиром билан тилга олинади. Герд Мюллер бундеслига тарихидаги энг сермаҳсул ўйинчи саналади. Унинг киритган голлари сони жами 365 тани ташкил этади. Сермахсуллик борасида "Шальке”нинг собиқ аъзоси Клаус Фишер ҳам яхши кўрсатгичга эга. Фишер умумий хисобда рақиб жамоалар дарвозабонларини 268 бора ранжитишни уддалаган.

- Энг йирик хисоб:

Бундеслига доирасидаги баҳсларда қайд этилган энг йирик хисоб 12-0 ҳисобланади. Аммо бу хисоб қайд этилганига деярли 35 йил бўлди. 1978 йил “Боруссия” Мюнхенгладбах" ҳамда “Боруссия” Дортмунд жамоалари ўртасида бўлиб ўтган учрашувда мезбонлар рақиб дарвозасини 12 бор ишғол қилишга муваффақ бўлишган. Бундай йирик хисобда ғалаба қозониш ҳалигача бошқа жамоаларга насиб этган эмас.

- Энг кўп томошабин келган учрашув:

Ҳаммамизга маьлумки, Бундеслига учрашувларга томошабинлар ташрифи борасида жаҳондаги энг пешқадам биринчилик саналади. Ўтган мавсумда ҳар бир ўйинга ўрта хисобда 45000 мухлис ташриф буюрган. Бу борадаги энг катта кўрсатгич эса 1969 йилда қайд этилган бўлиб, ўшанда  “Герта” - “Кëльн” баҳсини бевосита стадионда кузатиш учун жами 88075 та мухлис ташриф буюрган эди.

- Ҳозиргача бундеслигада жами 52 та жамоа иштирок этишга муваффақ бўлган. Улар ичида фақатгина “Гамбург” турнирга асос солингандан буëн лигада қатнашиб келмоқда.

- Германия Чемпионатида иштирок этувчи жамлоалар орасида клуб расмий номида рақамлар мавжудлари кўп учрайди. Мисол сифатида “Шалке 04”, “Майнц 05”, “Ганновер96” жамоаларини келтириш мумкин. Бу рақамлар – жамоаларнинг ташкил қилинган йилини англатади.

- Бундеслига доирасидаги учрашувни кўриш учун келган мухлис чипта учун ўртача 23 Евро “ҳаражат” қилишига тўғри келади.

- Ғолибга чемпионлик лагани насиб этади. Ушбу соврин 1949 йилда таьсис этилган булиб, дастлаб ҳудудий лига ғолиблари ўртасида ўтказилган турнир ғолибларига бериб келинган. Кейинчалик умумий лига ташкил этилган бўлса-да, бундеслига ғолибига ҳам ушбу соврин тақдим қилиш одати сақлаб қолинган. 


Зохиржон Акрамхонов тайëрлади

Рейтинг:    

Фикрлар

< сўнгги янгиликларни кўриш

Энг яхшилар

Ўзбекистон терма жамоаси Тошкентга қайтиб келди
Кеча Малайзияда Сурияга қарши ўйин ўтказган Ўзбекистон терма жамоаси...  210
Самвел Бабаян: "Охиригача курашамиз, ҳали имконият бор"
Ўзбекистон миллий терма жамоаси бош мураббийи Самвел Бабаян Сурияга...  530
Сурия - Ўзбекистон "Instat" таҳлилида
Жаҳон футболида етакчилик қилаётган "Instat" ташкилоти...  134
Яхши ҳам Равшан Эрматов бор...
ЖЧни ҳеч бўлмаса у киши учун кўрамиз деймизда... Яна математика?...  122
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: