14 dec 18:30
News

Дилшод Шарофетдинов: “Малайзияда ҳаммаси яхши”

Хабарингиз бор, “Пахтакор” ярим ҳимоячиси Дилшод Шарофетдинов яқинда Малайзия суппер лигаси иштирокчиси “Симе Дарби” клубига кўчиб ўтди.

Мухбиримиз Исломбек Рустамбеков легионеримиз билан боғланиб, янги жамоасига мослашиб олиши ва умуман унинг Малайзияда бошланган ҳаёти ҳақида сўради.

- Салом, Дилшод ака, кайфиятлар қалай?
- Раҳмат, ҳамммаси аъло даражада!

- Янги жамоа, умуман янги муҳитга кўникиш жараёнини қандай ўтказмоқдасиз?
- Бу борада жиддий қийинчилик бўлмади. Нолишга ҳожат йўқ.

- “Симе Дарби” футболчилик фаолиятингиздаги илк хориж жамоасидир. У ерда эътиборингизни тортган жиҳат нима бўлди?
- Жамоада ҳамма бир-бири билан жуда ҳам аҳил. Энг муҳими ҳам шу. Футболчилар бир-бирига далда бўлишни жуда яхши уддалашар экан.

- Хабарингиз бўлса керак, яқинда  “Шўртан” ҳимоячиси Ярослав Крушельницкий ҳам Малайзия жамоаси бўлмиш “Фелда Юнайтед” билан шартнома имзолади?
- Ҳа, буни биламан. Крушельницкий Куала-Лумпурга келгач, телефон орқали масофадан туриб гаплашдик. Лекин ҳозирча у билан бу ерда кўришиш насиб қилмади.
Rating:    

Comments

< show latest news
������.�������

Press "Like"
to read CA at facebook