UZ

21 сен 14:21
Янгиликлар

Дилшод Нуралиев: “Олдимизда Испания йиғини ҳам турибди”

17 октябрь – 8 ноябрь кунлари Бирлашган Араб Амирликларида бўлиб ўтадиган жаҳон чемпионатида иштирок этувчи U-17 ўсмирлар терма жамоамиз яқинда ўзининг навбатдаги йиғинини бошлади.
 Аниқроғи, Дилшод Нуралиев бошқарувидаги U-17 ўсмирлар терма жамоамиз ҳозирда Дукентда машғулот ўтказмоқда. Ушбу йиғиннинг қай савияда ўтаётгани ва умуман, U-17 ўсмирлар терма жамоамиздаги янгиликларни билиш мақсадида бош мураббий билан суҳбатлашдик.

- 12 сентябрь куни номзодларни Дукентда йиғдик ва ҳозирча шу ерда куни икки маҳалдан машғулот ўтказяпмиз – дея гап бошлади Нуралиев. - Эрталабки машғулотлар  йигитларнинг жисмоний тайёргарлигини оширишга қаратилиб, асосан югуриш ва тренажёр залида машқлар ўтказяпмиз. Тушликдан кейинги машғулотларда эса тўп билан ишлаяпмиз. Бугунги кунда таркибда 23 нафар футболчи бор. Қувонарлиси терма жамоанинг етакчи ўйинчилари Достон Ҳамдамов, Илҳом Абдуғаниев жароҳатлардан фориғ бўлиб, яна сафга қайтди.

- Шу ойнинг бошида Австрияда йиғин ўтказиб келган U-17 ўсмирлар терма жамоамизнинг бу галги йиғинида, янги номзодлар ҳам бор бўлса керак?

- Албатта, бу сафарги машғулотларимизда яна бир қатор янги номзодларни кўздан кечирмоқдамиз. Санжар Қодирқулов, Адҳам Аҳмаджонов, Алишер Мирзаев каби клубида ўзини кўрсатишга эришаётган ўйинчиларни ҳам таклиф этганмиз.

- Иш бор жойда камчилик ҳам бўлади. Айтингчи бугунги кунда қайси чизиқлар сизни ҳавотирга солмоқда?

- Ўз имкониятимиздан келиб чиқиб ишламоқдамиз. Бир сўз билан айтганда, ихтиёримиздаги ўйинчиларни таклиф этганмиз.

- Ушбу йиғин давомида ўртоқлик учрашувлари ҳам ташкил этиладими?

- Ҳа, албатта. Бугун, иккинчи лига вакили “Ангрен” жамоаси билан ўйнаймиз. 24 сентябрь куни эса “Олмалиқ” билан куч синашамиз. Бу жамоага асосий таркиби билан ўйнаш таклифи билан чиқгандик. Билмадим, энди қайси таркибини ўйнатаркин.

- Келгуси режалар қандай?

- 24 сентябрь куни Дукентдаги йиғинни якунлаймиз. Шундан сўнг йигитларга маълум муддатлик танаффус берамиз. 27 сентябрь куни эса яна Тошкентда йиғилиб, шу куннинг ўзида Испанияга жўнаб кетамиз. Олдимизда Испания йиғини турибди. У ерда 10 кун бўламиз. Хориж йиғини давомида учта синов-назорат баҳсини ўтказишни режалаштирганмиз. Спарринг рақибларимизнинг ким эканлиги борасида, ҳозирча аниқ маълумот бера олмайман.

Исломбек Рустамбеков суҳбатлашди.   

Рейтинг:    

Фикрлар

< сўнгги янгиликларни кўриш

Энг яхшилар

ОЧЛ-2017. "Локомотив" мусобақани мағлубият билан бошлади
ОЧЛ-2017 дастлабки туридан ўрин олган "Ал Таавон" -... 388
Танлов. Бугунги ўйинда "Локомотив" таркибини топинг ва ОЧЛ ўйинига чипта ютиб олинг
Бугун Осиё Чемпионлар лигасида гуруҳ баҳсларига старт берилади. 127
Габулов: "Пахтакор" юқори даражали клуб эмас"
Туланинг "Арсенал" клуби посбони Владимир Габулов... 81
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: