17 sep 18:36
News

Дилшод Нуралиев: “Асадов кузатувимиз остида”

U-17 ёшлар терма жамоамиз бош мураббийи Дилшод Нуралиев яқинда муҳтарам Президентимиз томонидан спорт устози ордени билан тақдирланди.
Шундан сўнг ушбу мутахассис билан суҳбатлашиб, Фирдавс Асадов хусусида ҳам сўрадик.

- Дилшод ака, аввало спорт устози ордени билан тақдирланганингиз билан қутлаймиз.

- Раҳмат катта, бу фақат биргина менинг ютуғим эмас, барчамизники.

- Сиздан бугунги кунда биринчи лига тўпурари бўлиб турган Фирдавс Асадов ҳақида сўрамоқчи эдим. “Спартак” ҳужумчиси тўғрисида маълумотга эгамисиз?

- (Бироз ўйланиб) Ҳа, албатта Асадовни жуда яхши биламан. Уни бундан икки йил олдин топганмиз. Ёдингизда бўлса, ўтган йили Фирдавсни йиғинларга таклиф этиб, Япония ўсмирлар терма жамоасига қарши кечган баҳсларда синаб кўрганмиз. Бу йил “Спартак” сафида ҳужумчининг ўйинида ўсиш кўзга ташланмоқда. Унинг инсонийлик жиҳатларига гап йўқ. Менга ҳам ёқади. Ҳаракатлари ёмон эмас, ўсадиган йигит. Фақат бунинг учун ўз устида ишлашни сусайтириб юбормаса бўлгани.

Тўғри, Асадовни бу йилги йиғинларимизга чақирмадик. Лекин футболчи кузатувимиз остида. Биламан бу йил Фирдавс тўпурарлик маҳоратини намойиш этмоқда. Лекин биринчи лига билан терма жамоа ўртасидаги савия бир-биридан фарқ қилишини унутмайлик Ҳозир ҳужум чизиғида бир нечта йигитларни синаб кўрмоқдамиз. Масалан Акобир Тўраев бор. Бу йигит “Бухоро”нинг асосий таркиби билан машғулотда қатнашади. Ёшлар лигасида жамоасининг бошланғич таркибида ўйнаб келмоқда. Шунингдек “Машъал”дан марказий ҳужумчи Шохжаҳон Аббосов, “Локомотив”даги соф ҳужумчи Аббос Неъматуллаев ҳамда “Насаф”дан Дилшод Хушбековни таклиф этганмиз. Бу футболчилар ёшлар лигасида ўйнайди. Албатта Асадовни юқорида айтиб ўтганимдек, келгусида яна кузатамиз. Унинг ҳам вақти келади, шунда имконият берамиз.  

Исломбек Рустамбеков суҳбатлашди.
Rating:    

Comments

< show latest news

Weekly Best

Ўртоқлик учрашуви. Дания U-23 - Ўзбекистон 2:1
Бугун Ўзбекистон миллий терма жамоаси Дубайда Дания ёшлар терма... 170
Арманистонга қарши ўртоқлик ўйини бекор қилинди
Ўзбекистон миллий терма жамоасининг 12 февраль куни Анталия шаҳрида... 168
Ўзбекистон терма жамоасининг Дания U23 га қарши асосий таркиби эълон қилинди
Ўзбекистон футбол федерацияси расмий "твиттери" бугун Дания ... 82
Australian Open. Истомин - Буста - 3:2! Сенсация давом этади!
Мельбурн шаҳрида давом этаётган “Катта Дубулға” туркумидаги Австралия ... 78
������.�������

Press "Like"
to read CA at facebook