UZ

Сўнгги янгиликлар

17:43Роналдо: "Тите Неймарга ишлайдиган жамоа яратди"  2 17:14Ўзбекистон МТЖ ўйинолди машғулот ўтказди  26 16:41УФФ президенти: "Келишилган ўйинлар - футболимизнинг даволаб бўлмас дарди"  11 16:32ВИДЕО. "Сўғдиёна" - "Орол" 4:3  4 16:32Olamsport: Учинчи жангидаёқ чемпионлик камарини қўлга киритган Ломаченко ҳақида ёҳуд Фазлиддин унга ўхшай оладими?  0 16:19ФОТОГАЛЕРЕЯ. "Сўғдиёна" - "Орол" 4:3  7 16:10Марадона энди ФИФА элчиси эмас  7 15:49Хёнесс: "Захирада ўтирганидан хурсанд бўладиган футболчиларга эга бўлишни истамаймиз"  3 15:39Ўзбекистон - Қатар. Самвел Бабаян ўйиндан олдин нималар деди? ВИДЕО  63 15:18"Реал" Марсело ва Карвахаль билан шартномани узайтиради  2 14:47"Барселона" ва "Бавария" "Айнтрахт" ҳимоячисини нишонга олган  3 14:30ФОТОГАЛЕРЕЯ. Ўзбекистон - Қатар. Ўйиндан олдинги матбуот анжумани  26 14:24Olamsport: Сабина Франциядаги турнирда, Маскаев боксга қайтиши мумкин ва бошқа хабарлар  0 14:21Қатарга қарши 13-учрашувдан олдин   45 14:16"Интер" Ламела хизматларига қизиқиш билдирмоқда  0

03 май 13:32
Янгиликлар

«Championat.uz» ва МТЖ ўртасидаги футзал шоу

Кеча "Championat.uz" ўқувчилари ҳамда "FIFA.uz" иштирокчиларидан жамланган ҳаваскор футзалчиларимиз, Осиёнинг икки карра кумуш медалларини қўлга киритган ва бир неча карра Ўзбекистон чемпионатида ғолиб чиққан профессионал футзалчилар билан Юнусобод спорт мажмуасида мириқиб футбол ўйнадилар.
 Бежизга мириқиб сўзига урғу бермадим, футзалчиларимизни  ўқувчиларга бўлган самимий муомуласи учун алоҳида раҳмат айтаман! Самимий рухда ўтган учрашувни ташкил этишда ҳамкорлик  қилган ЎФАга ўз миннатдорчилигимизни билдирамиз.
 

 

Ўзбекистон - Championat.uz 7:7 (пенальтилар серияси 2:6)
Ҳакамлар: Михаил Савочкин, Умид Пўлатов.
Ўзбекистон: Рустам Умаров (2-тайм Нодирхўжа Юлдашев), Константин Свиридов, Артур Юнусов, Бекзод Кенжаев, Ҳамидулла  Ҳасанов, Анвар Қаҳрамонов, Акмал Хўжаев, Шерзод Мажидов, Жаҳонгир Раҳматуллаев
Championat.uz: Нодирхўжа Юлдашев (2-тайм Рустам Умаров), Нодир Элибоев, Дилшод Ирсалиев, Даврон Чориев, Бахтиёр  Номозов, Улуғмурод Рўзиев, Файзулла Сайдуллаев, Фарҳод Қулжонов, Аҳмад Эшматов, Абдумажид Ҳафизов.



Бевосита ўйинга тўхталадиган бўлсак, сайт шарафини футзалчилардан Нодир Элибоев, Дилшод Ирсалиев, Даврон Чориев ҳимоя  қилдилар. Шунингдек олий тоифадаги ҳакам Бахтиёр Номозов ҳам сайтимиз учун ўйнади. Ўзбекистон футзал терма жамоаси  сафида эса Рустам Умаров, Константин Свиридов, Артур Юнусов, ва ЎФА ходими Жаҳонгир Раҳматуллаев ҳимоя қилдилар.

Шубҳасиз, Рустам Умаров МТЖ шарафини ҳимоя қилиши рақибларимизни энг катта кучлари эди. Боиси оддий, сайт дарвозасида мен эдим. Табиийки мен учун футзалчиларни зарбасига туриб бериш осон эмас. Аммо сал бўлсада ўхшади, футзал чемпионатида  баъзи жамоалар ўз дарвозаларидан 10-15та гол ўтказиб юборадилар. Биринчи бўлим учун 5та гол ёмон эмас. Энг қизиғи катта  футбол ўйнаб юрган ўйинчиларимиз гол ура олмасалар бошларини чангаллаб қолдилар. Раҳматли, Хожибой Тожибой айтган латифа ёдимга тушиб кетди. Гол ура олмасанг, нима қиласан бошингни ушлаб, орқага қайтиб яна тўпни олиб ҳужум қил. Шундан кейин мен гол ўтказмай, Оливер Кан ўтказсинми? Аммо бу шоу эди, гол ура олмаган ҳаваскорларимизга футзалчиларимиз руҳан  далда бўлдилар. Шу жумладан менга ҳам.

 

Иккинчи бўлимда таркибларда кичик ўзгариш бўлди. Мен терма жамоага, Умаров эса сайт жамоасига ўтди. Табиийки гол ўтказиб, сайт ғалабасини таъминлаш учун, бу мен учун айни муддао эди. Лекин ундай қила олмас эдим, қолаверса ЎФА вакили  Жаҳонгир Раҳматуллаевга бу фикримни айтиб қўйгандим. Аммо бари-бир гол ўтказишга мажбур бўлдим. Ҳаммасига Раҳматуллаев  айбдор. Биз-ку ҳаваскорлармиз, аммо бу акамиз ҳам мини футболда ҳимояга қайтишни истамадилар. Ҳуллас ҳисоб дуранг. Аммо бу  келишилмаган. Буни ўйинда иштирок этган ўқувчилар тасдиқлашлари мумкин. Пенальтилар сериясига тўхталиб ўтишни лозим топмадим, гарчанд сайт ғолиб чиққан бўлсада. Чунки ҳамма зарбаларни ўтказиб юбордим.

Ёдингизда бўлса, бундан бир неча ой аввал Ўзбекистон миллий терма жамоасининг юлдузлари иштирокида футбол учрашувини  ташкил этган эдик. Ўша ўйинда рақибларимиз сафида Фарҳод Тожиев, Темур Кападзе, Шавкат Саломов, Марат Бикмаев, Ислом  Иномов ва Санжар Турсунов иштирок этган эдилар. Бу ўйинда сайт ўқувчилари ғалаба қозонган эдилар.



Режаларимиз бисёр. Олий лига биринчи давра ўйинлари якунига етгач водий бўйлаб турне ўтказиш ниятимиз йўқ эмас. Албатта бунинг учун, "Навбаҳор", "Нефтчи" ва "Андижон" жамоаларини ҳамкорликлари ас қотади. Режага кўра, сайтнинг энг фаол ўқувчилари ўз вилоятларининг машҳур футбочлиларига қарши футбол ўйнайдилар. Сайт шарафини, "Championat.uz"нинг вилоятдаги фаол ўқувчилари ҳимоя қиладилар.



Бироз ҳангома аралашган мақола муаллифи
Нодирхўжа Юлдашев

 
Рейтинг:    

Фикрлар

< сўнгги янгиликларни кўриш

Энг яхшилар

Ўзбекистон терма жамоаси Тошкентга қайтиб келди
Кеча Малайзияда Сурияга қарши ўйин ўтказган Ўзбекистон терма жамоаси...  212
Самвел Бабаян: "Охиригача курашамиз, ҳали имконият бор"
Ўзбекистон миллий терма жамоаси бош мураббийи Самвел Бабаян Сурияга...  530
Сурия - Ўзбекистон "Instat" таҳлилида
Жаҳон футболида етакчилик қилаётган "Instat" ташкилоти...  134
Яхши ҳам Равшан Эрматов бор...
ЖЧни ҳеч бўлмаса у киши учун кўрамиз деймизда... Яна математика?...  122
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: