23 dec 15:05
News

Бугало ва Пишур “Бунёдкор” билан янги шартнома тузишди

Тошкентнинг “Бунёдкор” жамоаси мавсумлар оралиғида ўз таркибига янги футболчиларни қўшиб олишни давом эттиряпти.
“Бунёдкор” учун бегона бўлмаган дарвозабон – Павел Бугало яна “қалдирғочлар” сафига қайтди. У 2007-2009 йиллар мобайнида “Бунёдкор” таркибида Ўзбекистон чемпионати, мамлакат кубоги ва Осиё Чемпионлар лигаси баҳсларини қўшиб ҳисоблаганда жами 69та учрашувда майдонга тушган. Бугало жамоамиз сафида Ўзбекистон чемпиони (2008-2009), Ўзбекистон кубоги соҳиби (2008) ва Осиё Чемпионлар лигаси ярим финалчиси (2008) деган шарафли номга сазовор бўлган. 2013 йилнинг биринчи даврасини Тошкентнинг “Локомотив” клубида ўтган дарвозабон кейинчалик эркин агентга айланган эди. Эндиликда тажрибали посбон билан “Бунёдкор” бир йиллик шартнома тузди.

Ўзининг 19та голи билан 2013 йилги Ўзбекистон чемпионати тўпурари номига эга чиққан Олександр Пишур бугун “Бунёдкор” билан янги шартномага имзо чекди. Бунгача Саша клуб рахбарияти билан оғзаки келишувга эришган эди. 23 декабрь куни эса бу келишув хужжатда расмийлашди.
Rating:    

Comments

< show latest news
������.�������

Press "Like"
to read CA at facebook