30 aug 22:14
News

Бу мавсум фақат "Шўртан" пенальти тепмади

Олий лигада 17 та тур ортда қолганидан хабаригиз бор.
Бу йилги чемпионатда ҳозирга қадар жами 35 та пенальти белгиланди. Улардан 31таси аниқ амалга оширилди. "Локомотив", "Пахтакор", "Сўғдиёна" ва "Қизилқум" футболчилари бир мартадан 11 метрли жарима тўпини ноаниқ амалга оширишган. 

Ҳозиргача фақат Ғузорнинг "Шўртан" клуби пенальти амалга оширмади ҳолос. Қолган 13та клуб ҳам камида битта пенальти тепишга улгурди. Энг кўп пенальтини "Бунёдкор" клуби футболчилари амалга оширишди - 6та. Кейинги ўринларда 4 мартадан пенальти амалга оширган "Насаф" ва "Бухоро" клублари боришмоқда.

Аксинча пенальтидан жабр кўрган клублар борасида сўз юритадиган бўлсак Жиззахнинг "Сўғдиёна" клуби дарвозасига жами 5та пенальти белгиланди. Кейинги ўринда "Қизилқум" клуби бормоқда. Зарафшонликлар дарвозасига ҳакамлар 4 марта пенальти белгилашган. "Бунёдкор" ва "Олмалиқ" жамоалари дарвозасига энг кам 1 мартадан пенальти белгиланди.

Эътиборлиси фақатгина "Гулистон" дарвозасига пенальтидан гол урилмаган. Ушбу клуб дарвозасига икки марта 11 метрли жарима тўпи белгиланган, уларнинг иккаласини ҳам "Гулистон" посбонлари Илҳом Жуманов ва Дониёр Усмонов қайтаришга эришишди.

Ҳакамлар ичида Олим Толибжонов энг кўп 6 марта пенальти белгилади. Кейинги ўринда Валентин Коваленко ўрин олган - 5 та пенальти. Ўйинларни бошқарган ҳакамлар орасида фақат Зокир Қодиров ва Темур Тўхтасинов бирон марта ҳам пенальти белгилашмади.
Rating:    

Comments

< show latest news
������.�������

Press "Like"
to read CA at facebook