Latest news

03 dec 15:02
News

Бразилияликлар ФИФАни расизмда гумон қилишди

Сан-Паулу прокуратураси бразилияликлар расизмда гумон қилаётган ФИФАга нисбатан текширув ишларини бошлади.
Прокурор Криштиано Жорже Сантос футбол бўйича 2014 йилги жаҳон чемпионатига қуръа ташлаш маросими учун нима учун қора танли эмас, аксинча, икки нафар оқ танли бошловчи танланганини тушунтириб беришни талаб қилмоқда. Бу ҳақда Reuters ахборот агентлиги хабар бермоқда.

Маросим бошловчилиги учун қора танли актёрлар ҳам даъвогарлик қилишганди, бироқ ФИФА ва шоуни ташкил этиш учун масъул бўлган GEO Eventos компанияси модель Фернанду Лима ва унинг эри Родриго Хильбертни танлаган. Прокурорнинг сўзларига кўра, агар ушбу қарор расистик тасаввурлардан келиб чиқиб қабул қилинган бўлса, у ҳолда жиноий иш қўзғатилади.

Сантоснинг қайд этишича, Лима ва Хильберт жуфтлиги ярим аҳолиси қора танли бўлган Бразилиянинг ирқий хилма-хилмалигини тўғри кўрсатиб бера олмайди.

ФИФАнинг қайд этишича, Лима ва Хильберт жуфтлиги улар жаҳон чемпионати саралаш босқичи қуръаси ва мусобақа расмий эмблемасининг тақдимотидаги бошловчилиги билан яхши таассурот қолдиргани учун танланган.

Футбол бўйича 2014 йилги жаҳон чемпионати финал босқичи қуръа ташлаш маросими 6 декабрь куни бўлиб ўтади. Мусобақанинг ўзи 2014 йилнинг 12 июнь – 13 июль кунлари ўтказилади.
Rating:    

Comments

< show latest news
������.�������

Press "Like"
to read CA at facebook