UZ

Сўнгги янгиликлар

28 ноя 09:09
Янгиликлар

Биринчи лигага даъвогарлар курашни бошлашяпти

28 ноябрдан Тошкент ва Бухорода II лиганинг ҳудудий ғолиблари икки гуруҳга бўлинган ҳолда ўзаро курашга киришишмоқда ва 3 декабргача давом этадиган баҳслар орқали келгуси мавсумда биринчи лигада тўп сурадиган тўрт жамоани аниқлашади.
27 ноябрь куни Ўзбекистон Профессионал футбол лигаси офисида Тошкент қабул қиладиган “А” гуруҳи ўйинлари тақвимини тузишга қуръа ташланди.

Эслатиб ўтамиз, “А” гуруҳида қуйидаги беш жамоа тўп суради: “Бунёдкор-Геофизика” (Тошкент вилояти), “Обод” (Тошкент шаҳри), “ЎзДонг-Жу” (Андижон), “Динамо” (Фарғона) ҳамда “Бунёдкор” (Тошкент). Учрашувлар иккита стадионда ўтади: Тошкент вилояти чемпиони, “Бунёдкор-Геофизика” жамоасининг “Геофизика” стадионида ва “Обод” клубининг уй аренаси – сунъий қопламали “Ташсельмаш” стадионида.

Рақиблар ҳақида икки оғиздан маълумот бериб ўтсак. “Бунёдкор-Геофизика” жамоасини ўтмишдаги таниқли футболчи, Фарғонанинг “Нефтчи” клубида ҳужумчи ортидаги позицияда узоқ йиллар давомида муваффақиятли тўп сурган Сергей Ни бошқармоқда. Унинг қўл остидаги футболчилардан мухлислар Ғулом Ҳалимтоев (жамоа сардори), Яшар Муталибов, Шуҳрат Қозоқбоев, Павел Тюлькинларни озми-кўпми билишади.

Ўзбекистоннинг 2013 йилги чемпиони ва мамлакат кубоги соҳиби “Бунёдкор”нинг фарм-клубига Ўзбекистон миллий терма жамоасининг собиқ ярим ҳимоячиси Сергей Лушан устозлик қиляпти. Ёш “қалдирғочлар” турнирга Самарқандда ўтказилган жисмоний тарбия жамоалари ўртасидаги Ўзбекистон кубогининг финалчилари сифатида йўлланма олишган эди.

Фарғона вилояти чемпиони – “Динамо” жамоаси бошлиғи лавозимида собиқ таниқли футболчи Баҳром Ҳайдаров фаолият олиб бормоқда. Жамоа мураббийси – асосан “Нефтчи”нинг ўринбосарлари таркибидаги ўйинлари билан эсда қолган Хушбек Қосимов.


Андижон вилояти биринчилигида ғолибликни аслида вилоят бош жамоасининг фарм-клуби - “Андижон-2” қўлга киритган эди. Аммо бош “Андижон”нинг ўзи биринчи лигадан эндигина қутилгани учунми, клуб раҳбарлари шу лига билан бошқа ўралашиб юришни исташмади шекилли, “пулька”га вилоят вице-чемпиони – “ЎзДонг-Жу” келди. Ўтиш турнирининг “А” гуруҳидаги клублар ичида айнан “ЎзДонг-Жу” энг тажрибалиси саналади. Бу клуб 2008 йили олий лигада ўйнаган, биринчи лигада эса икки бор қатнашган – 2006 ва 2007 йиллардаги мавсумларда. “ЎзДонг-Жу”ни ҳозирда асосан маҳаллий ишқибозлар доирасига таниш бўлган Фозил Бобораҳимов бошқаряпти.

Тошкент шаҳри чемпиони “Обод” жамоаси (бош мураббий Фарҳод Сафаров) ҳам, қолган барча қатнашчилар каби, ўз олдига биринчи лигага чиқиш вазифасини қўйган.

Бухоро мезбонлик қиладиган “Б” гуруҳида қуйидаги қатнашчилар ўзаро баҳслашишади: Қорақалпоғистон Республикаси чемпиони, Бухоро вилояти чемпиони, Самарқанд вилояти чемпиони, Қашқадарё вилояти чемпиони ва “Баҳор-Геолог” Самарқанд (жисмоний тарбия жамоалари кубоги соҳиби).


Улуғбек Мирзаев

А” гуруҳи тақвими
1-тур. 28 ноябрь

БУНЁДКОР-ГЕОФИЗИКА – БУНЁДКОР (“Геофизика” стадиони)
ОБОД – ДИНАМО (“Ташсельмаш” стадиони)

2-тур. 29 ноябрь
ЎзДОНГ-ЖУ – ДИНАМО (“Геофизика” стадиони)
ОБОД – БУНЁДКОР (“Ташсельмаш” стадиони)

3-тур. 30 ноябрь
БУНЁДКОР-ГЕОФИЗИКА – ОБОД (“Геофизика” стадиони)
БУНЁДКОР – ЎзДОНГ-ЖУ (“Ташсельмаш” стадиони)

1 декабрь – дам олиш куни

4-тур. 2 декабрь
БУНЁДКОР-ГЕОФИЗИКА – ЎзДОНГ-ЖУ (“Геофизика” стадиони)
ДИНАМО – БУНЁДКОР (“Ташсельмаш” стадиони)

5-тур. 3 декабрь
БУНЁДКОР-ГЕОФИЗИКА – ДИНАМО (“Геофизика” стадиони)
ОБОД – ЎзДОНГ-ЖУ (“Ташсельмаш” стадиони)

“Геофизика” ва “Ташсельмаш” стадионларида ўйинлар ҳар куни соат 11:00да бошланади.
Рейтинг:    

Фикрлар

< сўнгги янгиликларни кўриш

Энг яхшилар

ОЧЛ-2017. "Локомотив" мусобақани мағлубият билан бошлади
ОЧЛ-2017 дастлабки туридан ўрин олган "Ал Таавон" -... 392
Танлов. Бугунги ўйинда "Локомотив" таркибини топинг ва ОЧЛ ўйинига чипта ютиб олинг
Бугун Осиё Чемпионлар лигасида гуруҳ баҳсларига старт берилади. 127
Габулов: "Пахтакор" юқори даражали клуб эмас"
Туланинг "Арсенал" клуби посбони Владимир Габулов... 83
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: