Latest news

18:53Англия. «Челси» «Вест Бромвич»дан устун келди ва биринчи ўринга қайтди0 18:53Чемпионат Англии. «Челси» обыграл «Вест Бромвич»0 18:45Льорис: "Тез орада Погба Премьер-лиганинг энг яхши футболчиларидан бирига айланади"2 18:45Льорис: скоро Погба станет одним из лучших игроков английской Премьер-лиги0 18:23Одил Аҳмедов "Шандон Лунен" клубига ўтиши мумкин24 18:23Хавбек «Краснодара» Ахмедов близок к переходу в клуб из Китая0 18:14Шерингем: "Кейн 10 йилдан сўнг Ибрагимовичдек бўлмоқчи"2 18:14Шерингем: Ибрагимович — это тот, кем хочет быть Кейн через 10 лет0 17:43"Челси" - "Вест Бромвич" учрашувини кимлар стадиондан кузатмоқда? (фото)12 17:43Ван Гал хочет возобновить тренерскую карьеру ближайшим летом0 17:30"Кашима Антлерс" клублар ўртасидаги ЖЧ ярим финалида "Атлетико Насиональ" билан ўйнайди9 17:21Футзал. Олий лига, 2-тур, 3-кун. "Олмалиқ" - "Пахтакор" 9:01 17:12"Бавария" президентининг фикрича, тез орада 200 млн. евролик трансфер амалга ошади11 17:12Президент «Баварии» уверен, что скоро состоится трансфер на € 200 млн0 16:48"Челси" - "Вест Бромвич". Таркиблар эълон қилинди35

09 apr 17:51
News

“Бавария” – “Манчестер Юнайтед”. Превью

Бугун тунда Европа Чемпионлар Лигасининг яна икки ярим финалчиси номи аниқ бўлади. "Альянц Арена"да энг принципиал рақиблардан бири меҳмон бўлади. Ушбу ўйин превьюси билан қуйида танишинг.
“Бавария” – “Манчестер Юнайтед”
Чемпионлар Лигаси 1/4 финал, жавоб ўйини (Биринчи ўйин 1:1)
Стадион: "Альянц Арена", Мюнхен
Бош ҳакам: Йонас Эрикссон (Швеция).
Бошланиш вақти: 23:45 (Тошкент вақти билан).




ТАРКИБЛАРДАГИ ҲОЛАТ

 “Бавария”

Германия чемпионлари сафига дисквалификациядан сўнг бразилиялик ҳимоячи Данте қайтади. Жароҳатланганлардан ташқарши иккита сариқ туфайли Мартинес, ўтган ўйиндаги четлатилиш учун Швайнштайгер майдонга туша олмайди.

Дисквалификациялар: Мартинес, Швайнштайгер (ҳар иккиси ҳам 1 ўйинга).

Жароҳатланганлар: Алькантара (тизза), Контенто, Штарке (тирсак), Шакири (сон).

“Манчестер Юнайтед”

Германияга “Манчестер Юнайтед” билан Руни ҳам йўл олди. Кўп манбалар унинг майдонга тушиш имкониятларини юқори баҳолаяпти. “Бавария” бош мураббийи Пеп Гвардиола ҳам Уэйн майдонга туишишига ишончи комил эканини таъкидлади: “Руни аниқ бизга қарши ўйнайди. Юз фоиз”, деди у ўйиндан олдинги матбуот анжуманида. Яқинда қўл бармоқларини қайириб олган Эшли Янг ҳам майдонга тушишга тайёр. Аммо Маруан Феллайни, Рафаэль ва Жонни Эванс Манчестерда қолишди ва бугун улар аниқ ўйнамайди. 

Дисквалификация: Йўқ
Жароҳатланганлар: ван Перси (тизза).
Сўроқ остида: Руни (оёқ бармоқлари), Янг (қўл бармоқлари).
Ўйнаш имкони йўқ: Мата (Чемпионлар Лигасида “Челси” сафида қайд этилган).



ЭЪТИБОРЛИСИ...

“Бавария” сўнгги вақтларда инглиз клублари билан ўз майдонида у қадар муваффақиятли ўйнай олмаяти. МЮ эса ўзининг Германиядаги сўнгги 3 ўйинини ғалаба билан якунлади.

“Бавария”нинг АПЛ клубларига қарши ўз уйидаги ўйинлари статистикаси немисларга кўп ҳам оптимизм бағишламайди.

— МЮ “Бавария” майдонида ғалаба қозонмаган. Бироқ Дэвид Мойес жамоаси Германиядаги сўнгги икки ўйинида ғалаба қозонди. “Бавария” эса бу мавсумда икки бор ўз майдонида АПЛ вакилларини қабул қилиб, бирортасида ҳам ғолиб бўлмаган.



— Европанинг бу икки гранди ўртасидаги барча учрашувлар мухлислар ёдида узоқ қоладиган даражада бўлади одатда. Ўзаро учрашувларнинг энг ёрқини 1999 йилда Чемпионлар Лигаси финалида “Камп Ноу”да бўлиб ўтган машхур дуэль бўлса керак. Ўшанда Сэр Алекс Фергюсон сўнгги сонияларда немисларни совриндан айирганди. Ҳозир МЮда Фергюсон йўқ. “Бавария”ни эса Чемпионлар Лигаси финалларида икки бор МЮни мағлуб этган Пеп Гвардиола бошқаряпти.

— “Бавария”нинг Чемпионлар Лигаси доирасидаги сафардаги ўйинларда 7 ўйиндан иборат ғалабали серияси “Олд Траффорд”даги дуранг билан ўз ниҳоясига етди.

ЎЗАРО ЎЙИНЛАР

— Клублар мусобақанинг ушбу босқичида 2009/10 мавсумда ҳам учрашишган ва ўшанда “Бавария” ғалабани қўлга киритган. Биринчи ўйинда Луи ван Галь бошчилик қилган Мюнхен клуби 2:1 ҳисобида рақибдан устун келган. Уэйн Руни ўйиннинг биринчи дақиқасидаёқ ҳисобни очганди. Бироқ мезбонлар Рибери ҳамда Оличнинг голлари билан жавоб берган.

Ўша ўйинда жамоалар қуйидаги таркибда майдонга тушган:

"Бавария": Бутт, Лам, ван Буйтен, Демикелис, Бадштубер, ван Боммел, Праньич (Тимощук 89), Алтынтоп (Клозе 86), Мюллер (Гомес 73), Рибери, Олич.

"Манчестер Юнайтед": ван дер Сар, Г. Невилл, Фердинанд, Видич, Эвра, Нани (Гиггз 82), Флетчер, Каррик (Валенсия 70), Скоулз, Пак Чжи Сун (Бербатов 70), Руни.



— Жавоб ўйинида “Юнайтед” қисқа вақт ичида ҳисобни ўз фойдасига йириклаштириб олди. Тўртинчи дақиқада Даррон Гибсон ҳисобни очади, еттинчи дақиқада Нани ўзини кўрсатади ва тайм сўнггида унинг ўзи ҳисобни 3:0 кўринишига олиб келади. Бироқ МЮ кейинги босқичга йўл олиши учун бу ҳам етмади.

Танаффусгача Олич ҳисобдаги фарқни қисқартирди. Ўйиннинг 74 дақиқасида эса Арьен Роббен “Бавария”нинг иккинчи голини киритиб сафардаги голлар сони ҳисобига жамоасини кейинги босқичга олиб чиқади. Айтганча, ўйиннинг сўнгги 40 дақиқасини Рафаэль қизил карточка олгани сабабли “Юнайтед” 10 киши бўлиб ўтказганди.



— 2000/01 йилги мавсумдаги Чемпионлар Лигаси чорак финалида ҳам “Бавария” “қизил иблислар”ни енгган. Пауло Сержио голи эвазига биринчи ўйинда ғалаба қозонган немислар, ўз майдонидаги иккинчи ўйинда киритган Элбер ва Мехметт Шолль голларига Райан Гиггз бир гол билан жавоб берган. 



— 1999 йилги тарихий финал эса ҳамманинг ёдида бўлса керак. “Бавария” олтинчи дақиқада Марио Баслернинг жарима тўпидан киритган голидан кейин ҳисобда олдинга чиқиб олган. Бироқ Ўйиннинг асосий вақтига қўшиб берилган вақтда Тедди Шерингем ва Оле-Гуннара Сульшер киритган голлар немисларни шок ҳолатига тушириб қўйганди.


ЖАМОАЛАРНИНГ ЎЗ МАМЛАКАТИ ЛИГАЛАРИДАГИ СЎНГГИ ЎЙИНЛАРИ:

05.04.2014. “Аугсбург” –  “Бавария” 1-0 (Мельдерс 31).

“Бавария”нинг ўша ўйиндаги таркиби: Нойер, Вайзер, Хави Мартинес, ван Бейтен, Саллахи (Алаба, 51), Швайнштайгер, Кроос, Шачири (Гетце, 46), Хейбьерг, Писарро (Мюллер, 63), Манджукич.

Чемпионатда эгаллаб турган ўрни: 78 очко билан 1-ўринда.

05.04.2014. "Ньюкасл" - "Манчестер Юнайтед" 0:4  (Мата 39,50,Эрнандес 64,Аднан 90+3).

“Манчестер Юнайтед”нинг ўша ўйиндаги таркиби: Линдегор, Валенсия, Смоллинг, Джонс, Эвра (Бюттнер, 64), Флетчер, Феллайни (Нани, 69), Эшли Янг (Янузай, 18), Мата, Кагава, Х. Эрнандес.

Чемпионатда эгаллаб турган ўрни: 57  очко билан 7-ўринда.


Аброр Қодиров тайёрлади

Rating:    

Comments

< show latest news
������.�������

Press "Like"
to read CA at facebook