UZ

Сўнгги янгиликлар

13:14Мюнхенликлар 8 та гамбургерни паққос туширишди. "Бавария" - "Гамбург" 8:0 (видео)0 12:47Хорватиялик легионер "Бухоро" ихтиёрига етиб келди14 12:45Ромелу Лукаку: «Мартинес ва Кумансиз Фергюсонга яқин ҳам кела олмасдим»0 12:34Андрей Микляев: "Эртага уч нафар футболчи майдонга тушмайди"10 12:22Космин Оларио: "Рақибнинг ўйинига ҳам эътибор қилишимиз керак"9 12:08"Бухоро" мавсумолди йиғинларни якунлади6 12:02Эрик Кантона: «МЮ бу мавсум битта соврин ютмайди, биринчиси Лига кубоги бўлади»4 11:55Фотогалерея. "Обод" (ўринбосарлар) - "Қайрат" (ўринбосарлар) - 1:0 0 11:47Луис Энрике: «Атлетико» доимгидек бизга ташвиш туғдиради»5 11:30Бугун менинг туғилган куним! №322 11:28«Бақалоқ дарвозабон»нинг қадри билинди6 11:05Рияд Марез: «Раньерини тангри ўз паноҳида асрасин»7 10:45Томас Мюллер: «Бавария» 8:0 ҳисобидан хурсанд»3 10:28Франсеск Фабрегас: «Урган голим 300-учрашувни нишонлаш учун ажойиб совға»1 10:05«Интер» – «Рома». Икарди ва Брозович майдонга тушишга тайёр16

26 июл 13:13
Янгиликлар

Баҳриддин Омонов: “Машъал”дан келган футболчиларга “Машъал” ойлик тўлаяпти”

Ҳадемай биринчи лиганинг иккинчи босқчи ўйинлари бошланади. Биз имкон қадар олий лига клублари қатори биринчи лига жамоаларига оид хабарларни ҳам бериб боряпмиз.
Бизга маълум бўлишича, кучли саккизликдан жой олган Косоннинг “Аланга” жамоаси иккинчи босқич учун ҳали тайёргарликни бошламабди. Бу ҳақда жамоа бош мураббийи Дилшод Андаевдан сўраб билдик. Кейин эса жамоа бошлиғи Баҳриддин Омоновга мурожаат қилиб, клубдаги вазиятга ойдинлик киритдик.   

- Баҳриддин ака, “Аланга” олдиндан режалаштирилганидек, 21 июлдан йиғинни бошлаши керак экан. Лекин футболчилар ҳамон тўпланмагани ҳақида маълумотлар бор. Айтинг-чи, машғулотларнинг кечикишига нима сабаб бўлди?

- Ҳа, йиғинимиз бироз муддатга кечиккани рост. Биласизми, клубда ўзига яраша молиявий муаммолар бор эди. Шу боис йигитларни вақтида йиғишни имкони бўлмади. Худога шукур, кеча ҳаммасини ижобий томонга ҳал этдик. Насиб қилса, бугундан Муборакда йиғиламиз. У ерда икки кун машғулот ўтказиб, 29 июлдан Шаҳрисабзга, яъни “Машъал”нинг ўқув машғулот базасига йўл оламиз. Иккинчи босқич стартига қадар деярли ўша ерда бўламиз.

- Юзага келган молиявий муаммолардан кейин жамоанинг айрим ўйинчилари бошқа клубга ўтиш илинжида юришган экан. Футболчиларни олиб қолиш учун қандайдир чоралар кўрилмоқдами?

- Йўқ, ҳозирча ҳеч қайси футболчимиз расман кетгани йўқ. Фақат Ойбек Полвонов бугунги кунда “Машъал”нинг ўқув-йиғин машғулотларида иштирок этмоқда. Шаҳбоз Аҳмедов билан Рустам Жўраев эса ўз истагига кўра иккинчи лига жамоасига ўтди. Уларни ўрнига “Сурхон”нинг икки нафар ўйинчиси келадиган бўлиб турибди. Бундан ташқари “Машъал” ҳам 2-3 нафар футболчисини беради. Қолган футболчиларнинг барчаси эртага ихтиёримизга етиб келади.

 - Жамоанинг бош ҳомийси ким?

- Муборак газни қайта ишлаш заводи бизни оталиққа олган. Бу завод “Машъал”нинг ҳам ҳомийси саналади. Шу боис завод бу клубга ҳам 20 фоиз пул ўтказади.

- Бош мураббий Дилшод Андаев билан суҳбатлашганимизда, ойлик ва мукофот пуллари берилмаётганини таъкидлади. Бу муаммо қачон бартараф этилади?

- Ҳа, битта ойликдан қарздорлик қолган. Кейин 7та ўйинни мукофот пулларини беришимиз керак.

- Айтишларича, битта ойлик эмас, балки бир неча ойлик маошлар берилмаган...

- Йўқ, фақат 2та ойлик ва 7та ўйинни мукофот пули қолган холос. Биласизми, айни пайтда жамоамизда тўп сураётган “Машъал” футболчилари ва бош мураббий, жамоа шифокори ҳамда маъмури ўзаро келишувимизга кўра биздан эмас, балки “Машъал”дан маош олиши керак. “Аланга” эса ўзининг 9та футболчисига пул тўлайди.

- “Аланга” учун ишлаётганларга нега энди “Машъал” ойлик тўлаши кераклигини қандай тушуниш мумкин?

- Ҳа, биз “Машъал” билан ўзаро ҳамкорликни йўлга қўйганмиз. Шу боис ҳуқуқий жиҳатдан Муборак жамоасига тегишли ва бугунги кунда “Аланга” сафида тўп сураётган футболчиларга ойлик маошларини “Машъал” тўлайдиган бўлган. Биз фақатгина мукофот пулини тўлиқ тўлаймиз холос. Футболчилар ойлигини “Машъал” билан келишиб олади.

- Айнан қайси футболчилар “Машъал”дан ҳақ олишини айтиб бера оласизми?

- Ҳозир олдимда футболчилар йўқлиги боис, номма-ном айта олмайман. Лекин шуниси аниқки 14 футболчи, бош мураббий, шифокор, маъмур ва базадаги ошпазлар “Машъал”нинг ўзидан ҳақ олади. Қолган 8 нафар жамоамизнинг ўтган йилги аъзоларига “Аланга” маош тўлайди. Бу футболчилардан ойлик борасида қарздорлик йўқ. Фақат 8та ўйиннинг мукофот пули қолган.

- Битта ўйиндаги ғалаба учун мукофот пули қанчани ташкил этади?

- Бизнинг мукофот пулимиз ўртача 200 000 сўмни ташкил этади. Мураббий билан маслаҳатлашган ҳолда, футболчиларнинг майдонда қандай ҳаракат қилгани ва неча фоиз тўп сурганига қараб, турли хил суммада ўйинчиларни мукофотлаймиз.

- Бундан келиб чиқадики, “Аланга” “Машъал”нинг фарм-клуби. Шундайми?

- Йўқ, қонуний жиҳатдан биз мустақил жамоамиз. Алоҳида ўз йўналишимиз бор. Фақат боя айтганимдек, “Машъал” билан ўзаро келишувимизга кўра ҳамкорликни йўлга қўйганмиз.

- Бундан “Аланга” қандай фойда кўрмоқда?

- “Машъал” билан ҳамкорлик қилиш бизга биринчи навбатда молиявий томондан фойда келтиради. Қолаверса “Машъал”нинг мураббийи ва кўплаб футболчилари бу йил “Аланга”да фаолият юритмоқда. Шу боис бу жамоа бизга моддий жиҳатдан ёрдам бериб келмоқда. Зарурат туғилса “Машъал” жамоамиз учун автобус ва база борасида ҳам ёрдам беради.

- Демак, “Машъал” билан 70х30 кўринишда ишлаяпсизлар экан-да?

- Ҳа, шундай деса бўлади.

- Ундай бўлса, Муборак жамоаси берган футболчиларни ўйнатишга мажбур экансизлар-да. Демоқчимизки, ўз қарашларингга тўғри келадиган ўйинчилар иккинчи даражага тушиб қолар экан-да?

- Йўқ, жамоада ким кучли бўлса ўша ўйнайди. Бу борада уларни ажратиб ўтирмаймиз. Ҳозир “Машъал” берган ўйинчилар бизнинг ишончимизни оқламоқда. Шу боис четдан футболчи олиб келишга эхтиёж сезмаяпмиз. “Машъал”дан келган футболчилар ўз ойлик маошларини тегишли жамоасидан олишади. Бу биз учун албатта фойдалидир.

Исломбек Рустамбеков суҳбатлашди.
Рейтинг:    

Фикрлар

< сўнгги янгиликларни кўриш

Энг яхшилар

Испания. «Реал» «Валенсия»га ютқазди
Испания чемпионатининг 16-туридан ўрин олган қолдирилган ўйинида... 113
Европа лигаси 1/8 финалига қуръа ташланди. «Ростов» МЮ ва бошқа жуфтликлар
Бугун УЕФА штаб квартирасида Европа лигаси мусобақасининг 1/8... 59
"Пахтакор"дан 2017 йилги мавсум учун ажойиб совғалар
"Пахтакор" футбол клуби 2017 йилги мавсумда уй ўйинлари... 39
“Бунёдкор” – “Ал-Айн”: Чипталар сотувда!
Хабарингиз бор, 28 февраль куни Тошкентнинг "Бунёдкор"... 43
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: