22 nov 08:16
News

Азамат Алланиёзов: "Орол"ни олий лигада кўриш қорақалпоқ халқининг орзусидир"

Ўзбекистон олий лигасида бу йил дебют мавсумини ўтказган "Насаф" ҳужумчиси Азамат Алланиёзов 11та гол уришга эришди.

Ахборот-ҳамкоримиз ҳисобланган "Футбол Экспресс" газетаси мухбири футболчидан интервью олди. Унинг асосий қисмини ҳавола қиламиз. Суҳбатнинг тўлиқ қисми билан газетанинг 21 ноябрь куни сонида танишиб олиш мумкин. 

- Азамат, якунланган мавсумдан қанчалик кўнглингиз тўлди?

- Бу мавсумдан деярли кўнглим тўлди. Олдимизга қўйилган вазифани бажардик деб ўйлайман. Миллий чемпионатимизда 3-ўринни эгаллаш ҳам катта натижа. Ахир биз эришган натижага бугун кўплаб жамоалар ҳавас қилишмоқда. Лекин бизда чемпион бўлиш имконияти ҳам бор эди, афсуски буни ўзимиз қўлдан чиқардик.

- Мухлисларимизга яхши маълумки, сиз Қорақалпоғистондансиз. Нега қорақалпоқ футболи кўринмаяпти, наҳотки биргина "Орол" жамоасини олий лигага олиб чиқишнинг иложи бўлмаса? 

- Тўғриси, шу савол мени жуда ўйлантиради. Юртимизда миллионлар ўйинини ҳуш кўрадиган мухлислар жуда кўп. Қорақалпоқ халқи олий лигада ўз жамоаси бўлишини жуда истамоқда. Билсангиз, "Орол" 2007 йилдан буён 1-лигада мунтазам равишда иштирок этиб келмоқда, лекин бу Қорақалпоғистон учун яхши натижа эмас. "Орол" жамоасини олий лигада кўриш қорақалпоқ халқининг орзуси. 

Хайрулло Васиев суҳбатлашди.  

Rating:    

Comments

< show latest news
������.�������

Press "Like"
to read CA at facebook