27 sep 08:59
News

Азамат Абдураимов: "Мағлубият учун мухлислардан узр сўрайман"

Биринчилик баҳсларининг 10-турида энг марказий ўйин “Андижон” ва “Машъал” беллашуви бўлди.

Бу учрашувда муборакликлар ғалаба қозонишди. Андижонликлар устози Азамат Абдураимов ўйин тўғрисида қуйидаги фикрларни билдирди.

- Бугун ёмон ўйин намойиш этганимиз йўқ. Фақат футболчилар майдонда устунликни ўрната олишмади. Ўйин тенг курашлар остида ўтди. Рақибимиз ҳам кучли эди ва улар эркин ўйнашимизга имконият беришмади. Гол уришимиз учун вазиятлар бўлди. Аммо сен ўрмасанг, сенгга уришади деган нақл бор. Меҳмонлар қарши ҳужумдан унумли фойдаланишди. Албатта, ўз майдонингда ютқазиш аламли. Лекин бу билан ҳаёт тўхтаб қолмайди. Бизнинг олдимиздаги вазифа олий лигага чиқиш эди. Бу вазифани деярли бажариб бўлдик. Шунга қарамай, 1-ўринни эгаллаб йўлланмани қўлга киритишни хоҳлагандик. Бироқ футболда доим ҳам ютавермайсан, мағлубиятлар ҳам бўлиб туради. Бу мағлубиятдан тушкунликка тушмаган ҳолда ўз мақсадимиз сари интилишда давом этамиз. Олдинда бизни Навоий ва Самарқандга қиладиган қийин сафарлар кутиб турибди. Шу ўринда айтиб ўтишим керакки, бугунги мағлубият учун мухлислардан узр сўрайман. Чунки ўз уйингда ютқазиш оғир.
Rating:    

Comments

< show latest news
������.�������

Press "Like"
to read CA at facebook