UZ

Сўнгги янгиликлар

15:41"Ницца" АПЛ клублари қизиқаётган ҳимоячиси учун нарх белгилади  0 15:30Про лига. "Олимпик-MobiUz" – "Машъал" 0:0 (онлайн ҳисоб)  1 15:10ПСЖнинг 2 нафар футболчиси сафга қайтди  0 14:08Шенсни "Юве"да қолиши учун маоши камайишига рози бўлиши керак  0 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  2 13:09"Бавария" "Штутгарт" вингерига кўз тикди  0 12:46"Манчестер Юнайтед" Каземирога ўринбосар топди  2 12:20Эшитдик-да! ФИФА "Бунёдкор"га илк санкцияни қўллади  21 11:48Клоппнинг ассистенти "Аякс" бош мураббийига айланиши мумкин  1 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  22 10:57Пеп Гвардиола «Манчестер Сити»даги келажаги борасида бир қарорга келди  6 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  8 09:3410 ойга четлатилган Тонали яна узоқ муддатга дисквалификация қилиниши мумкин  3

Артур Геворкян ва Рўзиқул Бердиев – октябрь ойи лауреатлари! Янгиликлар

Артур Геворкян ва Рўзиқул Бердиев – октябрь ойи лауреатлари!

Бир ойлик танаффусдан сўнг «Насаф» бош мураббийи Рўзиқул Бердиев ва жамоа етакчиларидан бири – Артур Геворкян ойнинг энг яхшилари дея топилди.
Ўзбекистон чемпионатининг октябрь ойидаги энг яхши футболчиси ва мураббийини аниқлаш бўйича ОАВ ходимлари, журналистлар ўртасида 1 ноябрь, жума куни бошланган сўровнома 6 ноябрь, чоршанба куни якунига етди. Сўровнома натижаларига кўра, журналистлар Олий ва Биринчи Лига жамоаларида ишлаётган жами саккиз нафар мураббий, шунингдек, Олий Лига клубларида тўп сураётган 17 нафар футболчига овоз беришди. Сўровномада Ўзбекистон Олий Лигаси, Ўзбекистон Биринчилиги ва ЎзПФЛ тасарруфидаги бошқа мусобақаларда иштирок этаётган жамоаларнинг вакилларига овоз бериш мумкинлиги аввалдан қайд этилган эди.

Сентябрь ойи «Насаф» учун нисбатан оғир келди – жамоа Олий Лигада асосий рақибларига қарши ўйинларда очко йўқотди, бундан ташқари, Ўзбекистон Кубоги финалида «Бунёдкор»га имкониятни бой берди. Бироқ октябрни Рўзиқул Бердиев шогирдлари яна кўтаринки кайфиятда ўтказишди. Сентябрь ойининг энг яхши мураббийи – Амет Мемет қўл остидаги «Нефтчи»ни 2:0 ҳисобида мағлуб этиш билан старт олган ой давомида «Шўртан» (4:1), «Навбаҳор» (5:0) ва «Бухоро»га (5:1) қарши ўйинларда жами 16та гол урилди ва бор-йўғи иккита гол ўтказиб юборилди. Учрашувларнинг учтасида йирик ҳисоб қайд этилгани ҳам алоҳида эътиборга молик.

Ой давомида Артур Геворкян ҳам ўзига хос фаоллик ва сермаҳсуллик кўрсатди. Футболчи «Шўртан» ва «Навбаҳор» дарвозасига иккитадан гол урган бўлса, «Бухоро»га қарши ўйинда битта гол уришдан ташқари, жамоадошларининг иккита голига ҳаммуаллифлик қилди. Қайд этиш жоиз, «Бухоро»га қарши 24-тур учрашувида урилган гол Артур Геворкяннинг мавсумдаги 15-голи бўлди. Охир-оқибат, «Насаф»нинг октябрь ойидаги фаоллиги жамоа бош мураббийи Рўзиқул Бердиевни ой мураббийига айлантирган бўлса, Артур Геворкянни ой ўйинчиси дея тан олинишини таъминлади.

Қайд этиш жоиз, Рўзиқул Бердиев бунгача май-август ойлари давомида тўрт марта ой мураббийи, Артур Геворкян эса эса май, июнь ва август ойларида, жами уч марта ой ўйинчиси дея топилганди. Шундай қилиб, март-ноябрь ойлари – тўққиз ой давомида ўтказиладиган «Ойнинг энг яхши футболчиси ва мураббийи» сўровноманинг ҳозирча тўрттасида Артур Геворкян, бештасида эса Рўзиқул Бердиев ўз йўналишида тенгсиз деб топилди.

Октябрь ойи сўровномасида мураббийлар орасида кучли бешликдан Даврон Файзиев («Сўғдиёна»), Миржалол Қосимов («Бунёдкор»), Мурод Исмоилов («Пахтакор») ва Ҳаким Фузайлов («Локомотив») ўрин олган бўлса, футболчилар кучли бешлигига Азамат Алланиёзов («Насаф»), Илҳом Юнусов («Насаф»), Александр Пишур («Бунёдкор»), Ислом Тўхтахўжаев («Пахтакор»), Зафар Полвонов («Олмалиқ») кирган.

Маълумот ўрнида, март-ноябрь ойларида ўтказиладиган Ойнинг энг яхши футболчиси ва мураббийи танловиларининг натижалари умумлаштириб чиқилади ва натижалардан келиб чиқиб, ЎзПФЛнинг 2013 йилдаги энг яхши футболчиси ва мураббийи номи аниқланади.

«Ойнинг энг яхши ўйинчиси» сўровномаси август ойи кучли бешлиги:
1. Артур Геворкян («Насаф») – 30 балл.
 2. Азамат Алланиёзов («Насаф») – 11 балл.
 3. Илҳом Юнусов («Насаф»), Александр Пишур («Бунёдкор») – 10 балл.
 4. Ислом Тўхтахўжаев («Локомотив») – 8 балл.
 5. Зафар Полвонов («Олмалиқ») – 7 балл.

«Ойнинг энг яхши мураббийи» сўровномаси июль август кучли бешлиги:
1. Рўзиқул Бердиев («Насаф») – 30 балл.
 2. Даврон Файзиев («Сўғдиёна») – 18 балл.
 3. Миржалол Қосимов («Бунёдкор») – 14 балл.
 4. Мурод Исмоилов («Пахтакор») – 13 балл.
 5. Ҳаким Фузайлов («Локомотив») – 8 балл.
Рейтинг:    

Фикрлар

championat.asia
Яндекс.Метрика