21 jan 20:53
News

Арпа экиб, буғдой кутмайлик (2-қисм)

Ўзбекистон ёшлар (U-22) терма жамоасининг Уммондаги ўйинлари борасида Азамат Абдураимовнинг фикрларини эътиборингизга ҳавола қилгандик.
Ўзбекистон миллий терма жамоаси сардори Сервер Жепаровга қуйидаги саволларга жавоб берди:

1. Терма жамоамизнинг Осиё чемпионатидаги муваффақиятсиз иштирокини қандай қабул қилдингиз?
2. Осиё чемпионатига қадар кўпчилик бу жамоамиздан камида ярим финалга чиқишини кутганди. Аммо якунда гуруҳдан чиқа олмадик. Шахсан сиз футболчиларимиздан қандай натижа кутгандингиз?
3. Тайёргарликка эътибор қаратилмади. Балки, муваффақиятсизликнинг бош сабабчиси шу омил бўлгандир?
4. ЎФФ Терма жамоалар маркази терма жамоага бош мураббий танлашда хатоликка йўл қўйди. Бу фикрга қўшиласизми?
5. Бу омадсизликдан сўнг нималарни ўзгартириш керак?
6. Бош мураббий футболчиларимиз Осиё чемпионатидан катта тажриба тўплашди, деган фикрни билдиряпти. Лекин терма жамоа таркибидаги аксарият футболчилар яқиндагина жаҳон чемпионатида иштирок этиб қайтишганди. Сизнингча, мундиал савияси Осиё чемпионатидан баландми?


Сервер Жепаровнинг жавоблари:

1. Албатта, Осиё чемпионатида қайд этилган бу натижа футболимиз учун жуда аянчли. Эшитишимча, мусобақага кўнгилдагидек тайёргарлик бўлмаган. Шу ўринда миллий терма жамоамизнинг 2011 йили Осиё Кубогига кўрган тайёргарлигини мисол тариқасида кўрсатишни хоҳлардим. Тайёргарликка монанд натижа ҳам бўлганди.  

2. Ҳозир кимнидир айблаш жуда қийин. Осиё чемпионатидаги иштирокимизни таҳлил қилиб чиқилганидан сўнг бу саволга жавоб олиш мумкин. Жамоа гуруҳдан ҳам чиқа олмаган экан, демак, бунга бутун жамоа бирдек айбдор. Футболчилардан тортиб, мураббийлар ва делегация раҳбарларигача айбни ўз зиммаларига олишлари керак. Чунки, футбол жамоавий спорт тури ҳисобланади. Раҳбарият тайёргарлик учун етарли шароитларни яратиб бермаган. Мураббийлар имкониятдан борича фойдаланишган. Футболчилар эса бир-бирларини тушуниб ҳаракат қилишмаган. Боиси, таркиб асосан 1991 ва 1993 йилларда таваллуд топган ўйинчилардан ташкил топганди. Уларнинг бир жамоа бўлиб ўйнаши учун эса ўртоқлик учрашувлари керак эди.   

3. Бу фикрга тўлиқ қўшиламан. Терма жамоамиз халқаро турнирга эмас, Осиё чемпионатининг финал босқичида иштирок этиш учун кетаётганди. Тайёргарлик эса шунга муносиб бўлмади. Футболчиларнинг бир-бирини тушуниб ҳаракат қилиши учун кучли рақиблар билан бир нечта ўйинлар ташкил этиш керак эди. Мураббийлар шу учрашувларда турли тактик схемаларни амалда қўллаб олишарди. Бу нарсаларнинг бирортаси бўлмаганидан кейин, қандай қилиб жамоамиздан ижобий натижа кутиш мумкин?

4. Ҳар қандай мураббийга ҳам ишлаш ва тайёргарлик кўриш учун вақт керак. Шуҳрат Мақсудовда бундай имконият бўлмади. Ўзи ўйлаган режаларини амалиётга тадбиқ этгунича, мусобақа тугаб қолди. Агар барча терма жамоаларимиз бир ҳил ўйин услубида ўйнашганида, бу мураббийимизга ҳам қийин бўлмасди.
 
5. Бу саволга жавоб беришга қийналаман. Лекин нимадир қилиш керак.

6. Ёшларимиз Туркиядаги жаҳон чемпионатида иштирок этиб, яхшигина тажриба тўплашди. Аммо битта мусобақа билан маҳорат ошиб қолмайди. Тажрибани ошириш учун йиллар керак бўлади. Агар кучли чемпионатга эга бўлиб, йилига камида 30та ўйин ўтказганимизда, натижамиз бундай салбий кўринишда бўлмасмиди? 

Жавобларни ўқидингиз. Деярли бир ҳилда саволарга жавоб беришди. Ҳали бу мавзу жуда кўп муҳокама қилинади. Биз кўпроқ бу муҳокамани ЎФФ ҳамда Терма жамоалар маркази мутасаддилари қилишларини истардик. Чунки, биз таҳлил қилганимиздан фойда йўқ.
 
Камолиддин АЛИМОВ
Rating:    

Comments

< show latest news

Weekly Best

Арманистонга қарши ўртоқлик ўйини бекор қилинди
Ўзбекистон миллий терма жамоасининг 12 февраль куни Анталия шаҳрида... 168
ФИФАдагилар зерикиб қолишдими? Улар сариқ карточка ва офсайдларни бекор қилишмоқчи
ФИФА техник директори Марко ван Бастен офсайд ва сариқ карточкалардан ... 92
Australian Open. Истомин - Буста - 3:2! Сенсация давом этади!
Мельбурн шаҳрида давом этаётган “Катта Дубулға” туркумидаги Австралия ... 78
"Реал Мадрид" – "Малага". Таркиблар маълум
Испания чемпионати доирасидаги "Реал Мадрид" –... 46
������.�������

Press "Like"
to read CA at facebook