Latest news

17:43Хави: "Реал"нинг голи ноҳақликдек кўриниши мумкин, аммо улар ҳам ҳаракат қилишди"2 17:12Хави: гол «Реала» может казаться несправедливым, но они также старались0 17:12Киберспорт. Фаолияти давомида деярли 900 000 доллар ишлаб топган 20 ёшли ўзбекистонлик4 17:08"Шерлар"ни ким яралади?8 16:46Чемпионатларимизнинг 25 йиллик умумий жадвали ҳақида14 16:45Харт "Тоттенхэм" футболчисига айланиши мумкин3 16:19ФОТО. Дмитрий Сычев и Павел Смоляченко на просмотре в Малайзии0 16:16Верратти: "Реал" ёки "Барса" Францияда 5-6 тадан гол кирита олмайди"9 16:10Расмга изоҳ беринг №437 15:51Футзал. Олий лига. 2-тур ўйинлари 9-15 декабрда ўтказилади1 15:45Лингард МЮда кўпроқ пул ишлаб топишни истамоқда5 15:45Лингард хочет получать по новому контракту больше, чем ему предлагают в МЮ0 15:36ФОТО. Смоляченко ва Сичев Малайзия клубида кўрикдан ўтмоқда11 15:28Знаете ли вы?! Огнен Красич покинет "Насаф"0 15:21Расмга изоҳ беринг №362

01 mar 19:59
News

Апеннинда супер ўйинлар ёхуд 26-тур превьюси

“А” серияда ушбу ҳафта 26-ўйинлари бўлиб ўтади.
Турнинг марказий учрашувлари Рим ва Миланда мамлакат грандлари иштирокида ўтказилади. Унда “Рома” “Интер” билан, “Милан” эса “Ювентус” билан майдонга тушади.

1 март, шанба
00:45. РОМА – ИНТЕР
Тахминимиз – 2:1

Бугун турни “Олимпико”да ўтадиган беллашув очиб беради. Биринчи даврада римликлар 3:0 ҳисобида зафар қучишганди. Вальтер Маццари жамоалари ҳар доим етакчиларга қарши яхши ўйнай олмаган. Бу сафар у Руди Гарсияга қарши қандай чора қўллашини кўриб оламиз. Бошқа тарафдан миланликларда босим камроқ. “Рома” “Юве”ни таъқиб қилаётгани боис бугун 3 очкога эга бўлиши шарт. Шу сабабли Тотти ва Майкон сингари етакчиларсиз майдонга тушишига қарамай, “Рома” очко йўқотишни хоҳламайди. Ишқибозларни ажойиб ва эҳтиросларга бой баҳс кутиб турганига шубҳа йўқ.
Ўйинни ўтказиб юборадиганлар: Додо, Бальцаретти, Тотти, Майкон – Кампаньяро.



2 март, якшанба
16:30. КАЛЬЯРИ – УДИНЕЗЕ
Тахминимиз –
2:2
Сардинияда ўтадиган учрашувда меҳмонларнинг имконияти юқорироқ. Ҳеч йўғи очко олиб кетиш учун. Охирги турларда Франческо Гвидолин шогирдлари ўзларига келиб олишди. Диего Лопес учун мазкур баҳс охирги имконият эканлигини “Кальяри” раҳбарияти таъкидлаб ўтган.
Ўйинни ўтказиб юборадиганлар: Конти, Экдаль – Габриэль Сильва, Лаццари, Бубнич, Домицци.

19:00. ВЕРОНА – БОЛОНЬЯ
Тахминимиз –
2:1
Вероналиклар Европа Лигасига чиқиш учун курашни давом эттиришмоқда. Мандорлини жамоаси бутун Италияни ҳайратга солишдан чарчамаяпти. Диамантидан айрилган “Болонья”га қолган учрашувларда қийин бўлиши турган гап. “Верона” сафида Лука Тони майдонга тушмайди.
Ўйинни ўтказиб юборадиганлар: Тони, Гонсалез, Майетта – Пасьенца, Аквафреска, Делла Рокка.

19:00. ЖЕНОА – КАТАНИЯ
Тахминимиз
– 3:1
Генуяликлар мавсумни анча яхши ўтказишмоқда. Ҳар ҳолда, ўтган мавсумга нисбатан солиштирсак, шундай хулоса келиб чиқади. Бир қатор ёш футболчилар ишончни оқлаб бўлдилар. Сицилияликлар эса “А” серияда қолиш учун уринишяпти. Сафар ўйинларида “Катания”га ижодкорлик борасида маҳорат етишмаяпти.
Ўйинни ўтказиб юборадиганлар: Гамберини, Доннарумма, Кучка, Вршалько, Матузалем – Кастро, Баррьентос, Альмирон, Бергессио.

19:00. АТАЛАНТА – КЬЕВО
Тахминимиз –
2:1
Бергамодаги беллашувда мезбонларнинг ғалабага бўлган имконияти кўпроқ. Чунки “Аталанта” ўз майдонида ижобий натижаларга эришиб келади. “Кьево” эса мавсум бошида йўқотган очколари ўрнини кетма-кет эришилган ютуқлар ҳисобига қоплай олди.
Ўйинни ўтказиб юборадиганлар: Каццола, Бриенца, Скалони, Ника, Беллини – Сардо, Паредес.

19:00. САССУОЛО – ПАРМА
Тахминимиз –
1:3
“Сассуоло” бошқарувига Альберто Малезани келди. Ушбу мураббий “Парма” билан УЕФА Кубогида зафар қучган. Энди эса “Парма” уни янада қийин аҳволга солиб қўйиши мумкин. Роберто Донадони шогирдлари охирги марта “Ювентус”га ноябрь ойида имкониятни бой беришганди. Шундан буён пармаликларни доғда қолдирадиган жамоа топилмаяпти.
Ўйинни ўтказиб юборадиганлар: Терранова, Алекс, Ачерби, Мазукки, Манфредини, Циглер – Корич, Мунари.



19:00. ТОРИНО – САМПДОРИЯ
Тахминимиз –
3:2
“Торино” ҳам ҳужумкор ва мазмунли ўйинлари билан мухлисларда илиқ таассурот қолдирмоқда. Туринликлар мураббийи Вентура кўп нарсаларни ўзгартира олди. Черчи ва Иммобиле жуфтлиги чемпионатдаги энг сермаҳсул тандемга айланиш имкониятига эга. Ўз майдонида “Сампдория”га қарши беллашувда “Торино” очко йўқотмаса керак. Чунки меҳмонлар сафида тўрт нафар асосий таркиб футболчилари майдонга тушмайди.

22:30. ЛИВОРНО – НАПОЛИ
Тахминимиз
– 1:1
Ўртамиёна ва аутсайдерлар билан ўйинларда очко йўқотиш бўйича “мутахассис” жамоага айланган “Наполи” бу сафар Ливорнога сафар қилади. Демак, яна бир бор шундай ҳолатни кутиш хато бўлмайди. Игуаиннинг ўйнай олмаслиги неаполликларга муаммо туғдириши аниқ.
Ўйинни ўтказиб юборадиганлар: Силигарди, Пиккини, Лучи – Сунига, Рафаэль, Альбиоль, Игуаин.

00:45. МИЛАН – ЮВЕНТУС
Тахминимиз – 1:2

Италия ва умуман жаҳондаги энг катта қарама-қаршиликлардан бири барчанинг эътиборини тортиши табиий. Фақат мазкур беллашувда томонларда йўқотишлар сони кўпроқ. Мезбонлардан Шаарави, Аббьяти, Балотелли, Сапата ва Мунтари, “Юве”дан Асамоа, Кьеллини ва Видалнинг майдонга тушмаслиги ишқибозларга ёқмаяпти. Шунга қарамай, Балотелли, Асамоа ва Кьеллинида ҳали оз бўлса ҳам имконият мавжуд. Кларенс Зеедорф ҳозир кейинги мавсум учун жамоа қуришни бошлаб юборган. Туринликлар эса якка пешқадам сифатида “Сан Сиро”га ташриф буюришади.
Ўйинни ўтказиб юборадиганлар: Эль-Шаарави, Кристанте, Сильвестре, Аббьяти, Балотелли, Сапата, Мунтари – Асамоа, Кьеллини, Видаль, Вучинич, Пепе.



00:45. ФИОРЕНТИНА – ЛАЦИО
Тахминимиз –
3:1
“Лацио” охирги ҳафталарда яхши ҳолатда эмасдек кўринмоқда. Мезбонлар сафида дисквалификация туфайли Валеро майдонга тушмайди ва бу катта қийинчилик яратиши мумкин. Лекин флоренцияликлар ўз уйларида бор кучлари билан ҳаракат қилишади. Мазкур беллашувда ғалаба қозониш мезбонлар учун ҳал этса бўладиган вазифа ҳисобланади.
Ўйинни ўтказиб юборадиганлар: Эгази, Росси, Ребич, Паскуаль, Диаките, Пизарро, Валеро – Альфаро, Поштига, Эдерсон, Диас.


Беҳзод Назаров тайёрлади.
Rating:    

Comments

< show latest news
������.�������

Press "Like"
to read CA at facebook