09 jan 22:45
News

"Андижон"да янги футболчилар кўрикдан ўтмоқда

Жамоамизни Андижонда олиб бораётган ўқув-машғулот йиғини қизғин давом этмоқда.
Машғулотлар Шўрбулоқ даҳасидаги сунъий қопламали майдон ҳамда олимпия захиралари спорт коллежи залида ўтказилмоқда.

Иккинчи йиғинга айрим ўзгаришлар киритилди. Аввал хабар қилганимиздек, мазкур йиғин 15 январгача эмас, 20 январга қадар Андижонда олиб борилади. Шундан сўнг жамоамизнинг йиғини Тошкентга кўчади. 11 январь куни мураббийлар футболчиларни икки таркибга бўлган ҳолда ўйин ўтказишади. 18 январь куни эса “Навбаҳор” жамоасига қарши назорат учрашуви бўлиб ўтади. Бу ўйин Андижонда ўтказилади. Таркибдаги ўзгаришларга тўхталадиган бўлсак, айни пайтда жамоада бир қатор ўйинчилар кўрикдан ўтказиляпти. Никита Павленко, Вусол Магеромов ва Акмал Ортиқов машғулотларда иштирок этишаётганини аввал айтиб ўтгандик. Улардан сўнг таркибга Муҳиддин Худоёров, Омад Тойлоқов ва Қаҳрамон Баҳодиров қўшилишди. Ўз вақтида “Бунёдкор”да фаолият олиб борган ёш дарвозабон Худоёров жароҳат туфайли ўтган йили ҳеч қаерда ўйнамади. Тойлоқов билан Баҳодиров Самарқанднинг “Динамо” жамоасидан келишди. Бугун таркибга яна яна икки нафар футболчи келиб қўшилди.

“Нефтчи”нинг собиқ посбони Хуршид Хўжаев ва ўтган йили “Чуст-Пахтакор”да ўйнаган ҳужумчи Низом Норов жамоамиз машғулотларида иштирок этишяпти.

Жамоага таклиф этилган янги футболчилар ҳозирча кўрикдан ўтказилмоқда. Агар улар йиғинларда ўзларини кўрсатишса жамоада қолишади.

Жамоамиз бош мураббийи Азамат Абдураимов тайёргарлик тўғрисида қуйидаги фикрларни билдирди.

– Машғулотларни кунига икки маҳалдан олиб боряпмиз ва футболчилар астойдил шуғулланишяпти. Тайёргарлик режамизга кичик ўзгартириш киритиб 20 январга қадар шу ерда шуғулланадиган бўлдик. Шундан сўнг йиғинни Тошкентда давом эттирамиз. Айни пайтда янги футболчиларни кўрикдан ўтказяпмиз. Бизга маъқул келган ўйинчиларни жамоада олиб қоламиз.
Rating:    

Comments

< show latest news

Weekly Best

Ўртоқлик учрашуви. Дания U-23 - Ўзбекистон 2:1
Бугун Ўзбекистон миллий терма жамоаси Дубайда Дания ёшлар терма... 156
Арманистонга қарши ўртоқлик ўйини бекор қилинди
Ўзбекистон миллий терма жамоасининг 12 февраль куни Анталия шаҳрида... 168
Ўзбекистон терма жамоасининг Дания U23 га қарши асосий таркиби эълон қилинди
Ўзбекистон футбол федерацияси расмий "твиттери" бугун Дания ... 82
Australian Open. Истомин - Буста - 3:2! Сенсация давом этади!
Мельбурн шаҳрида давом этаётган “Катта Дубулға” туркумидаги Австралия ... 78
������.�������

Press "Like"
to read CA at facebook